Ешая 3:10 - Мукъаддес Китап

¹⁰ Инсафлы адамгъа яхшылыкъ кореджегини айтынъыз. О, озь ишлерининъ акъкъыны аладжакъ.

Ешая 3:10 ပူးပေါင်းရင်းမြစ်များ

Башланув 18:25

Олмайджакъ шей! Сен ойле япмазсынъ! Ярамай адамларнен берабер инсафлы адамларны ёкъ этмезсинъ. Эм ярамай, эм инсафлы адамнынъ такъдири бир олмаз. Сенден оладжакъ шей дегиль! Бутюн ер юзюнинъ Къадысы адалетсизлик япармы? – деди.

Зебур 58:11

Мени севген Аллам меним огюмде кете, О, манъа душманларыма къоркъусыз бакъмагъа ёл береджек.

Чыкъыш 1:20

Алла эбанайларгъа мераметли эди. Халкъ исе чокъ сайылы ве онынъ ичюн къудретли ве кучьлю олды.

Икметли сёзлер 10:6

Яхшы бахшышлар инсафлы адамларнынъ башына ягъа, яман адамнынъ агъзы исе зорбалыкъларыны гизлей.

Икметли сёзлер 12:14

Айткъан лафына коре адам яхшылыкъ тапа, япкъан ишлери онъа мукяфатнен къайта.

Икметли сёзлер 13:21

Яманлыкъ гунакярнынъ пешинден кетеята, инсафлы адамны исе яхшылыкъ къалдырмаз.

Икметли сёзлер 18:21

Агъзындан чыкъкъан лафынен адам къурсагъыны тойдурыр, тилинен не къазанса, оны ашар.

Джемаат башы 8:12

Гунакяр юз кере яманлыкъ япса да, узун омюр яшай. Амма мен билем ки, Алладан къоркъкъанларгъа, Оны къоркъып яшагъанларгъа яхшы олур.

Ешая 54:17

Санъа къаршы ич бир япылгъан силя енъиш къазанмайджакъ, судда сеннен давалашкъан эр кимни къабаатлайджакъсынъ. РАББИ къулларынынъ къысмети бойледир, оларны Мен акълайджагъым, – дей РАББИ.

Йирмея 15:11

РАББИ бойле деди: – Сонъунъ хайырлы оладжакъ. Беля ве сыкъынты вакътында душманларынъ санъа ялвараджакълар.

Йирмея 21:14

Амма япкъанларынъызгъа коре сизни джезалайджагъым, – дей РАББИ. – Сизинъ орманынъызда атеш туташтыраджагъым, бутюн чевресини якъып ёкъ этеджегим.

Йирмея 22:15

Чевре-четинъни кедр агъачынен къаплагъанынъ ичюн падиша олмагъа истейсинъми? Бабанъ тойгъандже ашап-ичти, амма адалетли ве догъру шейлер япты, онынъ ичюн ишлери онъундан кельди.

Йирмея 7:23

О заман исе оларгъа буны буюрдым: «Сесимни динъленъиз, ве Мен сизинъ Алланъыз олурым, сиз де Меним халкъым олурсынъыз. Сизде яхшылыкъ олсун деп, эр буюргъан ёлумдан юрюнъиз».

Ехезкель 18:20

Гуна япкъан адам исе оледжек. Огъул бабасынынъ къабааты ичюн джевапкяр олмаз, ве баба да огълунынъ къабааты ичюн джевапкяр олмаз. Догъру кишининъ догърулыгъы онен къаладжакъ, яман кишининъ яманлыгъы исе ондан кечмейджек.

Ехезкель 9:4

онъа шойле деди: – Бутюн Ерусалим шеэрини кечип, оларнынъ арасында япылгъан пис шейлер акъкъында къайгъырып къасевет эткен адамларнынъ манълайына тамгъа къой.

Микъа 7:13

Бутюн ер исе халкъларнынъ япкъанлары, оларнынъ ишлери ичюн бакъымсыз сахрагъа чевириледжек.

Цефанья 2:3

Эй, ер юзюнде яшагъан эписи алчакъгонъюллилер, РАББИнинъ къарарларыны беджерген адамлар! РАББИни къыдырынъыз! Акъикъатны къыдырынъыз, РАББИнинъ огюнде боюн эгинъиз! Бельки РАББИнинъ гъазабы кунюнде О, сизни сакълар.

Малакий 3:18

О заман сиз инсафлынен инсафсыз адам, Аллагъа хызмет эткеннен этмеген адам арасындаки фаркъны кореджексинъиз.

Лука 19:19

Онъа да: «Сен де беш шеэрге укюмдарлыкъ этерсинъ», – дей.

Къануннынъ текрары 12:25

Оны ашап-ичме. Сонъ санъа ве сенинъ эвлятларынъа яхшы олур. Бойле этип, РАББИнинъ козюнде догъру шейни япаджакъсынъ.

Еудийлерге 6:10

Алла адалетсиз дегиль. О, сизинъ ишинъизни, Онынъ Адына косьтерген севгинъизни унутмаз, азизлерге насыл хызмет эткенинъизни ве шимди де япкъанынъызны акълында тутар.