Ешая 28:7 - Мукъаддес Китап

⁷ Булар да шараптан тентир-ментир юрелер, ичкиджиликтен ёлларыны шашыралар, руханийлернен пейгъамберлер сюрюнелер. Шарапкъа берилип, ичкиджиликтен акъылларыны ашадылар, руяларында янъылалар, тарифлеринде абыналар.

Ешая 28:7 ပူးပေါင်းရင်းမြစ်များ

Икметли сёзлер 20:1

Шарап мыскъыллай, ички кучьлю сеснен къычыра, оларнынъ артындан эр бир кеткен адам икметли дегиль!

Икметли сёзлер 23:30

Шарап башына отурып ичип-шишленген адам, чешит тюрлю къокъулы шарапларны къыдыргъан инсан!

Джемаат башы 10:17

Падишасы асылзаде табакъасындан олса, мырзалары да, сархош олмакъ ичюн дегиль де, такъатланмакъ ичюн вакътында ашаса, не бахтлыдыр бу мемлекет!

Ешая 19:14

РАББИ оларнынъ акъылларыны ойнатты, олар, сархош озь къускъагъында насыл тапталса, айны Мысырны да бутюн ишлеринде ёлдан урдылар.

Ешая 22:13

Лякин орталыкъта шенълик ве къуванч, туварларны, къой-эчкилерни соясыз, эт ашайсыз, шарап ичесиз; «Айдынъыз, ашап-ичейик! Ярын оледжекмиз де!» – дейсиз.

Ешая 24:2

Эм халкъкъа, эм руханийлерге, эм къулгъа, эм эфендисине, эм хызметчи къызына, эм онынъ саибесине, эм сатын алгъангъа, эм саткъангъа, эм борджкъа алгъангъа, эм борджкъа бергенге, параны фаизге эм алгъангъа, эм бергенге бир беля келеджек.

Ешая 24:20

Ер юзю, сархош киби, тентир-ментирдир, чалаш киби саллана. Онынъ къабаатлары пек агъыр, оларнынъ тюбюнде йыкъыладжакъ, бир даа турамайджакъ.

Ешая 28:1

Эфраимнинъ сархош огъуллары макътангъан таджгъа беля! Солаяткъан чечекке, Эфраимнинъ дюльберлигине ве шуретине беля! Чечек берекетли вадийининъ башында, анда яшагъанлар исе шарапнен харапландылар!

Ешая 29:11

Сизлер ичюн эр бир пейгъамберлик япылгъан китаптаки сёзлер киби олды: оны китап окъумагъа бильгенге: «Окъу», – деп берелер де, о: «Окъуп оламайым. О, печатнен басылгъан да», – деп джевап бере.

Ешая 3:12

Халкъымны къылынгъан балаларгъа ошагъан адамлар къыйнайджакъ! Оларгъа апайлар эфендилик этеджек! Эй, халкъым! Ёлбашчыларынъ сени ёлдан уралар, янълыш ёлундан алып кетелер.

Ешая 43:27

Баба-деделеринъиз гуна япты, векиллеринъиз Манъа къаршы чыкъты.

Ешая 5:11

Саба-танъдан ичмеге къыдырып юрген, акъшамгъадже шарап ичип кейф чеккенлернинъ башларына беля!

Ешая 5:22

Шарап ичмекте батырларгъа, тюрлю ичерликлерни азырламакъта кучьлюлерге, къапар алып, къабаатлыны акълагъанларгъа, акълыларнынъ акъкъыны тартып алгъанларгъа беля!

Йирмея 14:14

РАББИ манъа: – Пейгъамберлер Меним Адымдан ялан пейгъамберлик этелер, – деди. – Мен оларны не ёлладым, не эмир бердим, не де оларгъа бир шей айттым. Олар сизге ялан руяларны, фалджылыкъны, бош шейлерни, юреклерининъ арзуларыны айтып, пейгъамберлик этелер.

Йирмея 23:13

– Самарие пейгъамберлери арасында чиркин шей корьдим: олар Баалнынъ адынен пейгъамберлик этип, Меним халкъымны, Исраильни ёлдан урдылар.

Йирмея 23:16

Ордуларнынъ РАББИси айта ки: – Сизге пейгъамберлик эткен пейгъамберлернинъ айткъанларыны динълеменъиз, олар сизни алдаталар, РАББИнинъ агъзындан чыкъкъан шейлерни дегиль де, юреклериндеки истеклерини айталар.

Агълав йырлары 2:4

Душман киби, яйыны керди, залым киби, къолуны котерди; козьге корюнген энъ яхшы шейлерни ёкъ этти, Сион къызынынъ Чадырына атеш киби, гъазабыны ёллады.

Ехезкель 13:7

Сизинъ корьген шейлеринъиз бош! Эткен хаберлеринъиз ялан! Сизлер: «РАББИ бойле айта», – дейсинъиз, амма Мен бойле айтмадым.

Ехезкель 44:21

Ички азбаргъа кирмезден эвель, ич бир руханий шарап ичмесин.

Хошеа 7:5

Падишанынъ байрамларында башлыкълар шараптан хасталана. Падиша исе макътанчакъларнен анълаша.

Микъа 2:11

Яланджы яланлар уйдурып, бол шарап ве ички акъкъында пейгъамберлик япса, шу халкъ бойле адамны, пейгъамбер деп, саяр эди.

Хавакъкъукъ 2:15

Сен якъынынъа шарап бересинъ, озь ачувынъа къошасынъ, аврет ерлерини корьмек ичюн, оны сархош япасынъ! Сенинъ алынъ фена!

Хавакъкъукъ 2:16

Урьмет ерине утанч аладжакъсынъ. Энди сен де ич, озь сюннет этильмеген аврет ерлеринъни корьсет. РАББИнинъ онъ къолундаки гъазап къадеси санъа якъынлашаджакъ, масхаралыкъ сенинъ урьметинъни къаплайджакъ.

Матта 24:29

‌Бирден шу куньлернинъ буюк мусибетинден сонъ «Кунеш къара оладжакъ, ай да ярыкъ бермейджек. Йылдызлар коктен тюшеджеклер ве коклердеки кучьлер сарсыладжакълар».

Лука 21:34

Озюнъизге бакъынъыз, юреклеринъиз ахлякъсыз ишлер, сархошлыкъ ве аят къайгъылары ичюн агъыр олмасынлар. О кунь, тузакъ киби, сизге апансыздан кельмесин!

Эфеслилерге 5:28

Акъайларгъа апайларыны, озь беденлерини киби, севмеге керек. Озь апайыны севген озь озюни севе.