Ешая 28:2 - Мукъаддес Китап

² Мына Раббининъ сагълам ве кучьлю бириси бар. Бурчакълы ягъмур, йыкъыджы боран, кучьлю сув ташкъыны киби келеджек. Рабби Озь къолунен буны ерге ёллайджакъ.

Ешая 28:2 ပူးပေါင်းရင်းမြစ်များ

Эюп акъкъында китап 22:16

Олар исе вакъытлары кельмезден къырылдылар, темеллерини сувлар басты.

Ешая 25:4

Сен фукъарелерни сакълайсынъ, сыкъынты вакътында гъариплерни къорчалайсынъ, боранда сакъланув ерни бересинъ, сыджакъта салкъын ёллайсынъ. Залымларнынъ гъазабы – сувукъ авада боран киби,

Ешая 27:1

О куню РАББИ агъыр, буюк ве къавий къылычынен ливьятанны – къачкъан йыланны ураджакъ, ливьятанны – бургъучлангъан йыланны джезалайджакъ, денъиз аждерханы ольдюреджек.

Ешая 29:6

Ордуларнынъ РАББИси сени джезалайджакъ, санъа къаршы кок гудюрдисини, ер тепренювини, кучьлю шувултыны, боран ве кучьлю ельни, эм де йыкъыджы атешни ёллайджакъ.

Ешая 30:28

Нефеси – адамнынъ богъазына къадар котерильген сув ташкъыны киби, электен унны кечирген киби, О, халкъларны сынап джезалайджакъ; халкъларнынъ агъызларына ёлны адаштырыджы агъызлыкъны такъаджакъ.

Ешая 30:30

РАББИ шуретли сесинен гудюрдейджек, буюк ачувнен къолуны котерип, къудретини косьтереджек, йыкъыджы атешни, дешетли боранны, ягъмурны ве ташлы бурчакъны ёллайджакъ.

Ешая 32:19

Бурчакъ орманларны ураджакъ, шеэр ернен ексан оладжакъ.

Ешая 40:10

Бакъынъыз, РАББИ-ТААЛЯ кучюнен келе, акимиет къудретинен якъынлаша. Бакъынъыз, О, мукяфатлайджакъ, адамларгъа акъларыны береджек!

Ешая 8:6

– Бу халкъ яваш акъкъан Шилоах озенининъ сувларына хор бакъкъаны, лякин Рецинге ве Ремальяхунынъ огълуна къувангъаны ичюн,

Ехезкель 13:11

Диварны сылагъанларгъа айт ки, дивар йыкъыладжакъ. Ягъмур къуйып ягъаджакъ, таш бурчакъ тюшеджек ве кучьлю ель диварны чатлатаджакъ,

Ехезкель 38:9

Сен бутюн ордунънен берабер ве башкъа халкъларынънен берабер боран киби котериледжексинъ, булут киби ерни къапатып келеджексинъ.

Даниял 9:26

62 кере еди йылдан сонъ Месих ольдюриледжек ве гъайып оладжакъ. Келеджек ёлбашчынынъ халкъы исе Ерусалим шеэрини ве Азиз Ерни ёкъ этеджек. О, санки сув ташкъынындан гъайып оладжакъ. Къараргъа коре, дженкнинъ сонъуна къадар чокъ ерлер ёкъ этиледжек.

Нахум 1:8

Лякин О, Ниневе шеэрини сув ташкъынынен бутюнлей ёкъ этеджек, Озь душманларыны къаранлыкъкъа батыраджакъ.

Нун огълу Ехошуа 10:11

Аморлылар Бет-Хорон дагъынынъ ашагъы тюшкен тарафындан исраиллилерден къачкъанларында, РАББИ коктен оларнынъ устюне Азекъагъа баргъандже балабан ташлар ата эди, ве олар оле эдилер. Таш бурчакълардан ольгенлернинъ сайысы Исраиль огъуллары къылычнен ольдюргенлернинъ сайысына коре чокъ эди.

Сырларнынъ ачылувы 18:8

Шунынъ ичюн онынъ башына келеджек белялар, олюм, гъам ве ачлыкъ, бир кунь ичинде келеджеклер. О, атеште якъыладжакъ, чюнки оны суд этеджек Рабби-Тааля къудретлидир.

Сырларнынъ ачылувы 8:7

Биринджи мелек боразан чалды. Къаннен къарышкъан бурчакъ ве атеш пейда олды ве ер юзюне ягъды. Ернинъ учьте бири, тереклернинъ учьте бири ве бутюн ешиль отлар янды.