Ешая 28:1 - Мукъаддес Китап

¹ Эфраимнинъ сархош огъуллары макътангъан таджгъа беля! Солаяткъан чечекке, Эфраимнинъ дюльберлигине ве шуретине беля! Чечек берекетли вадийининъ башында, анда яшагъанлар исе шарапнен харапландылар!

Ешая 28:1 ပူးပေါင်းရင်းမြစ်များ

4 Падишалар 15:29

Исраиль падишасы Пекъах куньлеринде Ашшур падишасы Тиглат-Пилесер келип, Иён, Авел-Бет-Маакъа, Яноах, Кедеш, Хацор, Гилад, Галилея, бутюн Нафталий топракъларыны запт этип, халкъны Ашшур мемлекетине кочюрди.

2 Тарих вакъиалары 28:6

Ехудалылар бабаларынынъ Алласы РАББИни къалдыргъанлары ичюн, Ремальяхунынъ огълу Пекъах бир куньде оларнынъ 21 000 джесюр аскерини ольдюрди.

Икметли сёзлер 23:29

Ах-вах чеккен ким? Къавгъалашкъан ве шикяетленген ким? Бош ерде яралангъан ким? Козю къангъа толгъан ким?

Ешая 28:7

Булар да шараптан тентир-ментир юрелер, ичкиджиликтен ёлларыны шашыралар, руханийлернен пейгъамберлер сюрюнелер. Шарапкъа берилип, ичкиджиликтен акъылларыны ашадылар, руяларында янъылалар, тарифлеринде абыналар.

Ешая 5:11

Саба-танъдан ичмеге къыдырып юрген, акъшамгъадже шарап ичип кейф чеккенлернинъ башларына беля!

Ешая 5:22

Шарап ичмекте батырларгъа, тюрлю ичерликлерни азырламакъта кучьлюлерге, къапар алып, къабаатлыны акълагъанларгъа, акълыларнынъ акъкъыны тартып алгъанларгъа беля!

Ешая 8:4

– Бала «бабам» ве «анам» айтмагъа огренмезден эвель, Дамаскнынъ байлыгъыны ве Самариенинъ гъаниметини Ашшур падишасынынъ огюне алып кетиреджеклер.

Ешая 9:11

РАББИ оларгъа къаршы Рециннинъ душманларыны котереджек, залымларыны юреклендиреджек.

Ешая 9:8

Рабби Якъупкъа къаршы хабер этти, хабер этильгени Исраильде беджериледжек.

Ешая 9:9

О вакъыт бутюн халкъ, Эфраим ве Самариеде яшагъанлар буны анълайджакълар. Къопайланып, кибирли юрекнен:

Хошеа 4:11

Ороспулыкъ, шарап ве юзюм шырасы адамларны акъылдан айыра.

Хошеа 5:5

Исраильнинъ къопайлыгъы – озюне къаршы шааттыр, Исраильнен Эфраим озь гуналарындан йыкъылыр, Ехуда да оларнен берабер абыныр.

Хошеа 5:9

Джеза куню Эфраим бакъымсыз сахрагъа чевириледжек. Мен Исраиль къабилелери арасында мытлакъа оладжагъыны бильдирдим.

Хошеа 6:10

Исраиль эвинде дешетли шейлерни корьдим: Эфраим анда ороспулыкъкъа батты, Исраиль арамланды.

Хошеа 7:5

Падишанынъ байрамларында башлыкълар шараптан хасталана. Падиша исе макътанчакъларнен анълаша.

Левийлилер 26:19

Къопай кучьлеринъизни йыкъаджагъым, устюнъиздеки кокни – демир киби, топракъларынъызны – бакъыр киби этеджегим.

Амос 2:12

Сиз исе назарейлерге шарап ичирдинъиз, пейгъамберлерге: «Пейгъамберлик этменъиз!» – деп буюрдынъыз.

Амос 2:8

Олар эр къурбан ери янында залоггъа алынгъан урбалар устюне ята, джеза оларакъ алынгъан шарапны аллаларнынъ эвлеринде ичелер.

Амос 4:1

Эй, Самарие дагъында яшагъан, Башан сыгъырлары киби, семиз олгъан къадынлар! Фукъарелерни хорлагъан, факъырларны чекиштирген, акъайларына: «Бизге бир шей ичмеге кетир!» – деген апайлар, бу сёзлерни динъленъиз.

Амос 6:1

Сионда гъамсыз яшагъанларгъа беля! Самарие дагъында къоркъусыз отургъанларгъа беля! Сиз – миллетнинъ энъ намлы адамларысыз, Исраиль эви сизге ишанып келе.

Амос 6:4

Сизлер фильтишнен япылгъан ятакълар устюнде ятасыз, диванларынъызда кейф чатасыз, энъ яхшы къозуларны ве бакъылгъан бузавларны ашайсынъыз.

Амос 6:6

Чанакъларнен шарап ичесиз, энъ яхшы ягъларнен сюртюлесиз, лякин Юсуф эвлятларынынъ келеджек белясыны къасевет этмейсиз!

Амос 6:8

РАББИ-ТААЛЯ Озю-Озюнен ант этти. РАББИ, Ордуларнынъ Алласы, бойле дей: – Якъупнынъ къопайлыгъындан джиренем, къавийлештирильген сарайларындан юрегим къайта. Шеэрни ве ичиндеки эр шейини душман къолуна береджегим.