Ешая 27:9 - Мукъаддес Китап

⁹ Бунынънен Якъупнынъ къабааты одеме этиледжек, гунасындан вазгечкенде, ишлери ойле оладжакъ: къурбан ерлерининъ эписи ташларыны, киреч киби, тозгъа чевиреджек, Ашера путуна табынма диреклерини кеседжек, къокъулы отлар якъыладжакъ ерлерни бозаджакълар.

Ешая 27:9 ပူးပေါင်းရင်းမြစ်များ

4 Падишалар 10:26

Баалнынъ путханесинден пут ташларыны чыкъарып, оны якътылар.

4 Падишалар 23:14

Ёшия пут ташларыны бозды, Ашера путуна табынма диреклерини кести, оларнынъ ерлерини адам кемиклеринен толдурды.

4 Падишалар 25:9

О, РАББИнинъ Сарайыны, падишанынъ эвини ве Ерусалимдеки эвлернинъ эписини якъты. Эр бир буюк эвни атеште якъты.

2 Тарих вакъиалары 14:5

О, Ехуда топрагъындаки эписи шеэрлерде олгъан ибадет тёпелерини ве къокъулы отларны якъмакъ ичюн ерлерни ёкъ этти. Онынъ заманында падишалыкъта тынч яшадылар.

2 Тарих вакъиалары 34:4

Ёшиянынъ козю огюнде Баалларнынъ къурбан ерлерини бозып ташладылар, оларнынъ устюнде тургъан къокъулы отларны якъмакъ ичюн ерлерини де парчаладылар. О, Ашера путуна табынма диреклерини балталады, агъачтан я да иритильген маденден япылгъан путларны исе парчалап эзди, сонъ тозуны оларгъа къурбанлар кетиргенлернинъ къабирлерине септи.

2 Тарих вакъиалары 36:19

Алланынъ Сарайыны якътылар, Ерусалим диварыны йыкътылар, эписи сарайларны атеште якътылар ве эр бир къыйметли савутларны боздылар.

Чыкъыш 34:13

Оларнынъ къурбан ерлерини урып йыкъынъыз, пут ташларыны парланъыз, Ашера путуна табынма диреклерини кесип ташланъыз!

Икметли сёзлер 20:30

Котек ашагъан адамнынъ яралары яманлыкътан арындырыр, ве домпузлама юрекнинъ теренликлерини тюзетир.

Ешая 1:29

– Сиз истеген эмен тереклеринъизден утанаджакъсынъыз, сиз сайлагъан багъчаларынъыз ичюн бетлеринъиз къызараджакъ.

Ешая 17:8

Къоллары япкъан къурбан ерлерине бакъмайджакъ, пармакълары япкъанларыны корьмейджеклер, Ашера путуна табынма диреклерине ве отлар якъыладжакъ ерлерине къулакъ асмайджакъ.

Ешая 30:22

Сонъ кумюшнен къаплангъан путларынъызны, алтыннен къаплангъан путларынъызны арам деп саяджакъсынъыз, пис шей киби, котерип атаджакъсынъыз, «Кет мындан», – айтаджакъсынъыз.

Ешая 4:4

Рабби Сион къызларынынъ арамлыкъларыны юваджакъ, адалетли суд ве атеш рухунен Ерусалимни анда тёкюльген къандан темизлейджек.

Ешая 40:2

– Ерусалимнен йымшакъ лаф этинъиз, онъа хабер этинъиз: дженк вакъты битти, къабааты ичюн одеме этильди, бутюн ишлеген гуналары ичюн РАББИнинъ къолундан эки къат корьди.

Ешая 48:10

Иште, сизлерни сынадым, амма кумюшни ириткенлери киби дегиль, сени сыкъынты оджагъында темизледим.

Ехезкель 11:18

Олар анда къайткъанда, андан эр арамлыкъны ве эр писликни котерип атаджакълар.

Ехезкель 20:38

Манъа къаршы чыкъкъанларны ве боюн эгмегенлерни аранъыздан айыраджагъым. Оларны яшагъан мемлекетлерден чыкъараджагъым, амма оларны Исраиль топрагъына кирсетмейджегим. О заман Мен – РАББИ олгъанымны билирсинъиз.

Ехезкель 6:4

Къурбан ерлеринъиз бозуладжакъ, къокъулы отларны якъув ерлеринъиз къырыладжакъ. Путларынъызнынъ тюбюне олюлеринъизни атаджагъым.

Даниял 11:35

Акъыллы адамлардан базылары ёлдан уруладжакълар, лякин сынавдан кечеджек, арынаджакъ ве сонъки вакъыт кельмезден эвель темизленеджек. Белли бир вакъыткъа даа вакъыт бар.

Хошеа 14:8

Бир даа адамлар кольгесинде яшайджакъ ве чокъ богъдай берекетини джыяджакъ. Олар, юзюм чубугъы киби, чечек ачаджакъ, Ливан шарабы киби, нам къазанаджакъ.

Левийлилер 26:30

Ибадет тёпелеринъизни ёкъ этеджегим, къокъулы отларны якъув ерлеринъизни йыкъарым, олюлеринъизни сизинъ йыкъылгъан путларынъызгъа атаджагъым ве сизден юзюмни чевиреджегим.

Микъа 5:11

Мемлекетинъдеки шеэрлеринъни бербат этеджегим, эписи пекитильген ерлеринъни йыкъаджагъым.

Зекерья 13:2

О куню Мен бу мемлекетте путларнынъ адларыны силип ташлайджагъым, ве олар бир даа анъылмайджакълар, – дей Ордуларнынъ РАББИси. – Бундан гъайры, Мен пейгъамберлерни ве арамлыкъ рухуны да топракътан узакълаштыраджагъым.

Римлилерге 11:27

Мен оларнынъ гуналарыны ёкъ эткенимде, оларгъа бу васиетни береджегим.

1 Коринтлилерге 11:32

Бизни дюньянен берабер суд этмесин деп, Рабби бизни шимди суд этип, бизге джезамызны бере.

Къануннынъ текрары 12:3

Къурбан чалгъан ерлерини йыкъынъыз, пут ташларыны парланъыз, Ашера путуна табынма диреклерини атеште якъынъыз, аллаларынынъ путларыны кесинъиз. Шу ерден адларыны ёкъ этинъиз.

Еудийлерге 12:6

Рабби севген адамны тербиелей, къабул эткен эр огълуны джезалай.