Ешая 27:7 - Мукъаддес Китап

⁷ РАББИ эм исраиллилерни, эм оларны ургъан ве ольдюргенлерни де ургъанда ве ольдюргенде, Исраильге мерамети олмадымы? Оны ольдюргенлерни ольдюрген киби ольдюрдими?

Ешая 27:7 ပူးပေါင်းရင်းမြစ်များ

Ешая 10:12

Рабби Сион дагъында ве Ерусалимде озь ишини битирген сонъ, Ашшурнынъ падишасыны къопай юреги ве юкъарыдан бакъкъан козьлери ичюн джезалайджакъ.

Ешая 10:17

Исраильнинъ Ярыгъы – атеш, онынъ Азизи – алев оладжакъ. Бир кунь ичинде Ашшурнынъ тикенли чалыларыны ве кийик отларыны якъып битиреджек,

Ешая 17:14

Акъшам дешет келеджек, саба ачылгъандже олар гъайып олып кетеджеклер. Бизни чайпагъанларнынъ такъдири, бизни талагъанларнынъ къысмети ойледир.

Ешая 17:3

Эфраимнинъ къавийлештирильген шеэрлери къалмайджакъ, падиша Дамасктан падишалыкъ этмейджек. Исраильнинъ шуретинен не олгъан олса, ойле де Арам падишалыгъындан къалгъанларнен оладжакъ, – дей Ордуларнынъ РАББИси.

Ешая 30:31

РАББИнинъ сесинден Ашшур къалтырайджакъ, таякънен уруладжакъ.

Ешая 31:8

– Ашшурлылар адамнынъ олмагъан къылычындан йыкъыладжакъ, адамнынъ олмагъан къылычы оларны ольдюреджек. Олар къылычтан къачаджакъ, яш огъланлары къул оладжакъ.

Ешая 31:9

Къоркъудан олар таянгъан аркъа-къая йыкъыладжакъ, байракъларны корип, башлыкъларынынъ отьлери патлайджакъ, – дей РАББИ. Онынъ атеши – Сион дагъында, оджагъы – Ерусалимде яна.

Йирмея 50:40

Алла Содомнен Гомораны ве къомшу шеэрлерини насыл йыкъкъан олса, – дей РАББИ, – мында да бир адам яшамайджакъ, инсан огълу ерлешмейджек.

Йирмея 51:24

– Козюнъиз огюнде Сионда бутюн яманлыкъ эткенлери ичюн, Вавилонгъа ве къасдийлилернинъ топрагъында яшагъанларнынъ эписине къазангъанларыны берерим, – дей РАББИ.

Нахум 1:14

Санъа исе, Ашшур, РАББИ шуны буюра: – Энди сенинъ адынъны ташыгъан эвлятларынъ олмайджакъ, таштан ве иритильген маденден япылгъан путларны алланънынъ эвинден ёкъ этеджегим, анда санъа къабир япаджагъым, ве сен масхара оладжакъсынъ.

Нахум 3:19

Сенинъ яранъа илядж ёкъ, сени ургъан уруш – олюм ярасыдыр. Сенинъ акъкъынъда эшитеджек эр ким къуванып, эль чырпаджакъ, чюнки битмез ачувынъны дуймагъан кимсе къалмады.