Ешая 26:2 - Мукъаддес Китап

² Къапуларынъызны ачынъыз: инсафлы миллет, ишанчлы халкъ кирсин.

Ешая 26:2 ပူးပေါင်းရင်းမြစ်များ

Зебур 106:5

Ач олып, сувсуз къалгъан эдилер, джанлары ичлеринде иримекте эди.

Зебур 118:19

Мен бу дюньяда ят адамым, эмирлеринъни менден сакълама.

Зебур 118:20

Къарарларынъны эр вакъыт арзу этем, бундан джанымнынъ алы ёкъ.

Зебур 24:7

Яшлыгъымда япкъан гуналарымны ве къанун бозгъанымны эсинъде тутма. Лякин Сенинъ буюк севгинъ ве Сенинъ эйилигинъ ичюн, мени эсинъе кетир, я РАББИ!

Чыкъыш 19:6

Сизлер исе – Меним руханийлернинъ падишалыгъым ве мукъаддес халкъым олурсынъыз». Исраиль огъулларына айтаджакъ сёзлеринъ будыр, – деди.

Ешая 45:25

Исраильнинъ эписи эвлятларыны РАББИ акълайджакъ ве шуретлейджек.

Ешая 54:14

Сенинъ догърулыгъынъ къавий оладжакъ, зорбалыкъ сенден узакълашаджакъ, ич бир шейден къоркъмайджакъсынъ, дешет де санъа якъынлашмайджакъ.

Ешая 54:17

Санъа къаршы ич бир япылгъан силя енъиш къазанмайджакъ, судда сеннен давалашкъан эр кимни къабаатлайджакъсынъ. РАББИ къулларынынъ къысмети бойледир, оларны Мен акълайджагъым, – дей РАББИ.

Ешая 58:8

О заман ярыгъынъыз танъ киби агъараджакъ, тезден яхшы оладжакъсынъыз, догърулыгъынъыз огюнъизден кетеджек, РАББИнинъ Шурети сизни озгъараджакъ.

Ешая 60:11

Къапуларынъ даима ачыкъ оладжакъ, гедже-куньдюз къапалмайджакъ. Халкъларнынъ байлыгъыны, эм де падишаларыны санъа кетиреджеклер.

Ешая 60:18

Топрагъынъда бир даа зорбалыкъ этмейджеклер, йыкъмайджакъ ве къырмайджакълар. Диварларынъа – «Къуртулыш», араба къапуларынъа – «Макътав» дейджексинъ.

Ешая 60:21

Бутюн халкъынъ инсафлы оладжакъ, топракъкъа эбедиен сабылыкъ этеджек. Олар – Мен сачкъан фидан, къолларымнынъ иши, – Мени шуретлейджеклер.

Ешая 61:3

Сионда къасеветленгенлерге куль ерине – сарыкъны, агълав ерине – къуванч ягъыны, тюшкен рух ерине – аджайип макътав урбасыны бермеге ёллады. Оларгъа: «Догърулыкъ эменлери, Озь шурети ичюн РАББИнинъ сачкъанлары», – дейджеклер.

Ешая 62:1

Догърулыгъы ярыкъ киби корюнмегендже, къуртулышы янгъан къандиль киби олмагъандже, Сионнынъ файдасы ичюн сусып отурмайджагъым, Ерусалим ичюн тынчланмайджагъым.

Ешая 62:10

Кечинъиз, араба къапуларындан кечинъиз, халкънынъ ёлуны ачынъыз! Джыйыштырынъыз, темизленъиз, ёлны тегизленъиз, ташларыны джыйынъыз, халкълар ичюн байракъны котеринъиз!

Ешая 62:2

Халкълар сенинъ догърулыгъынъны кореджеклер, эписи падишалар Шуретинъе бакъаджакълар, РАББИ Озю береджек янъы бир аднен сени адлайджакълар.

Зекерья 8:20

Ордуларнынъ РАББИси бойле дей: – Чокъ халкъ, чокъ шеэрлерде яшагъанлар келеджек.

Фаалиет 2:47

ве Аллагъа шукюр эте эдилер. Оларны бутюн халкъ севе эди. Алла кунь сайын иманлылар сырасына къуртарылгъанларны къоша эди.

1 Пётр 2:9

Амма сизлер – сайлангъан бир сой, падишалыкъ япкъан руханийлер, азиз миллет, Алла Озюнинъ халкъысынъыз. Сизлер Онынъ энъ гузель чизгилерини бильдиринъиз деп, Алла сизлерни къаранлыкътан Озюнинъ аджайип ярыгъына чагъырды.

2 Пётр 3:13

Лякин Алла берген сёзюне коре, биз янъы ерни ве янъы коклерни – догърулыкъ булунгъан ерни беклеймиз.

Иуда 1:3

Севгилилерим, эр биримизнинъ къуртулышы акъкъында язмагъа чокъ истеген олсам да, бир вакъытта азизлерге берильген иман ичюн курешмеге сизге ялварып язмагъа кереклигини корьдим.

Сырларнынъ ачылувы 21:24

Халкълар шеэрнинъ ярыгъында юреджеклер. Ер юзюнинъ падишалары онъа озь байлыкъларыны кетиреджеклер.

Сырларнынъ ачылувы 5:9

Олар янъы бир йыр йырлай башладылар: – Сен бурулгъан кягъытны алмагъа, онынъ печатларыны бозмагъа ляйыкъсынъ! Чюнки Сен къурбан оларакъ союлдынъ, ве Озь къанынъны тёкип, эр бир къабиледен, эр бир тильде лаф эткен миллеттен ве халкътан адамлар ичюн буюк фият тёлединъ ве оларны Аллагъа багъышладынъ.