Ешая 24:22 - Мукъаддес Китап

²² Оларнынъ эписи эсир этиледжек, чукъургъа ташланаджакъ, зиндангъа къапатыладжакълар, чокъ вакъыт кечкен сонъ джезаланаджакълар.

Ешая 24:22 ပူးပေါင်းရင်းမြစ်များ

Ешая 10:4

Бель букип, сюргюнликке кетеджексинъиз, ольдюрилип, ерге тюшеджексинъиз. Бундан сонъ да РАББИнинъ гъазабы тынмайджакъ, къолу эп бир узатылгъандыр.

Ешая 2:19

РАББИ ер юзюни титретмеге келеджек вакъытта адамлар Онынъ гъазабындан къоркъып, шуретли буюклигинден сакъланып, къая чатлакъларына киреджек, ер чукъурларына тюшеджеклер.

Ешая 24:17

Эй, ер юзюнде яшагъанлар! Дешет, чукъур ве къапкъан сизни беклей!

Ешая 42:22

Амма бу халкъны харап эттилер, эр бир шейини тартып алдылар. Эписини къапкъан чукъурларына туттылар, зинданларгъа къапаттылар, мулькюни чайпап алдылар, ич кимсе оларны къуртармады. Чайпалгъанлар, кимсе де: «Кери къайтар!» – демей.

Ехезкель 38:8

Чокъ куньлер кечкен сонъ, сен чагъырыладжакъсынъ. Сонъки йылларда сен къылычтан къуртулгъан топракъкъа, чешит халкъларнынъ арасындан алып кетирильген халкънынъ ерине, Исраиль дагъларына киреджексинъ. Чокъ вакъыт о ерлер бакъымсыз олгъан эди, лякин оларнынъ халкъы башкъа халкъларнынъ арасындан алып кетирильди, ве эписи ич бир шейден къоркъмайып яшап башлады.

Зекерья 9:11

Сизге кельгенде исе, сизлерге берген васиетнинъ къаны ичюн, Мен эсирлеринъизни сувсуз чукъурдан чыкъарып къуртараджагъым.

Зекерья 9:12

Къаленъизге къайтынъыз, эй, сиз, умют эткен эсирлер! Бугунь бильдирем ки, сизден алынгъанны эки къат этип, сизге береджегим.

Сырларнынъ ачылувы 20:2

Мелек аждерханы, яни Иблис ве Шейтан деген къадимий йыланны тутып, оны бинъ йылгъа багълады,