Ешая 24:13 - Мукъаддес Китап

¹³ Зейтюнлерни къакъкъанда, юзюм салкъымларыны джыйгъанда, берекет джыйылувындан сонъра насыл олса, топракъ ортасында, халкълар арасында да ойле оладжакъ.

Ешая 24:13 ပူးပေါင်းရင်းမြစ်များ

Ешая 1:9

Ордуларнынъ РАББИси базыларымызны сагъ къалдырмагъан олса, биз де Содом киби олып, Гоморагъа ошар эдик.

Ешая 17:4

– О куню Якъупнынъ шурети сёнеджек, семиз тени арыкъ оладжакъ.

Ешая 27:12

О куню Фират дерьясындан башлап, Мысыр вадийине баргъандже, арманда богъдайны баскъанлары киби, РАББИ эр кесни урып джезалайджакъ ве сизни, Исраиль огъулларыны, бирер-бирер топлайджакъ.

Ешая 6:13

Халкънынъ онда бири сагъ къалып кери къайтса да, топракъта кене эр шей йыкътырыладжакъ. Амма эмен агъачны, къудретли терекни кескенде, кутюги насыл къалса, Исраильнинъ де кутюги, азиз урлугъы къаладжакъ.

Йирмея 44:28

Къылычтан къуртулып, Мысыр топрагъындан Ехуда топрагъына къайткъан ехудалыларнынъ сайысы пек аз оладжакъ. О вакъыт Мысырда яшамагъа кельген эписи къалгъан ехудалылар кимнинъ сёзю, Меним я да оларнынъ сёзю ерине келеджегини анълайджакълар.

Ехезкель 7:16

Къуртарылып, сагъ къалгъанлар чапсалар да, вадий гогерджинлери киби дагъларда сакъланаджакълар. Эр бириси акъсыз ишлери ичюн ынъранып агълайджакъ.

Левийлилер 19:9

Топрагъынъызда берекет джыйгъанда, тарланынъ кенарларыны орманъыз. Оракъ вакътында ерге тюшип къалгъан башакъларны джыйманъыз.

Микъа 2:12

Эй, Якъуп огъуллары! Сизлернинъ эпинъизни мытлакъа топлайджагъым, мытлакъа Исраильнинъ къалгъанларыны бирлештиреджегим, оларны къошта къой-эчкилерни киби, отлакъ ортасына сюрю киби къоярым. Олар шаматалы адам сюрюси оладжакълар.

Микъа 7:1

Вай, башыма беля тюшти! Юзюм джыйылгъан сонъ багъчагъа кирген адамгъа ошадым, язда мейва джыйылгъандан сонъ багъчагъа кирген, амма бир шей тапалмагъан адамгъа ошадым. Ашамагъа бир салкъым юзюм ёкъ, джаным истеген бир дане пишкен инджир ёкъ.

Матта 24:22

Эгер о куньлернинъ сайысы азлаштырылмагъан олса, ич бир джан къуртулып оламаз эди. Лякин сайлангъан адамлар ичюн о куньлернинъ сайысы азлаштырыладжакъ.

Сырларнынъ ачылувы 3:4

Амма Сарда шеэринде озь урбаларыны арамламагъан бир къач адамынъ бар. Олар Меннен берабер беяз урбада юреджеклер, чюнки олар бунъа ляйыкълар.