Ешая 23:1 - Мукъаддес Китап

¹ Тир шеэри акъкъында пейгъамберлик. Таршиш гемилери, окюр-окюр агъланъыз! Тир шеэри йыкъылды, не эвлери бар, не лиманы! Киттим топрагъында оларгъа Тир ёкъ олгъаны акъкъында хабер кельди.

Ешая 23:1 ပူးပေါင်းရင်းမြစ်များ

Башланув 10:4

Яваннынъ огъуллары: Элиша ве Таршиш, Киттим ве Доданим.

3 Падишалар 10:22

Падишанынъ денъизде Таршиш гемилери ве Хирамнынъ гемилери бар эди. Таршиш гемилери учь йылда бир кере келип, алтын, кумюш, фильтиш, маймунларны ве тавус къушларыны кетире эдилер.

3 Падишалар 22:48

Ехошафат Офирге алтын алмагъа кетмек ичюн, денъизде Таршиш гемилери яптырды, лякин олар анда келип етиштирмеди, Эцион-Геверде парчаландылар.

3 Падишалар 5:1

Сулейманны зейтюн ягъынен ягълап, бабасынынъ ерине падиша эткенлери акъкъында эшитип, Тирнинъ падишасы Хирам онъа хызметкярларыны ёллады. Хирам бутюн омюр Давутнынъ якъын досту эди.

2 Тарих вакъиалары 9:21

Падишанынъ гемилери Хурамнынъ хызметчилеринен берабер Таршишке кете эдилер, учь йылда бир кере Таршиштен кельген гемилер алтын, кумюш, фильтиш, маймунлар ве тавус къушларыны кетире эдилер.

Зебур 48:7

Олар озь кучюне ишанып, байлыкъларынынъ чокълугъындан къопаялар.

Ешая 15:8

Моавнынъ дёрт тарафында къычырувлар эшитиле, агълагъаны Эглаимге ве Беэр-Элимге къадар кете,

Ешая 2:16

бутюн Таршиш гемилери ве эписи истенильген ильванларгъа къаршы РАББИнинъ гъазабы келеджек.

Ешая 23:12

– Энди шенъленмейджексинъ, масхаралыгъы чыкъкъан Сидон къызы! Тур, кет Киттимге, анда да раатлыкъ корьмейджексинъ, – деди.

Ешая 23:6

Таршишке ёл алынъыз, эй, ялы боюнда яшагъанлар! Окюр-окюр агъланъыз.

Ешая 24:10

Бошап къалгъан шеэр йыкъылды, кимсе кирмесин деп, эписи эвлери къапалы.

Ешая 60:9

Манъа адалар ишаналар, башында Таршиш гемилери келелер, узакълардан кумюш ве алтынларынен огъулларынъны кетирелер, РАББИнинъ Ады, сенинъ Алланъ, Исраильнинъ Азизи ичюн шуны япалар. РАББИ сени шуретледи!

Йирмея 2:10

Кетинъиз де, Киттим адаларына бакъынъыз! Кедар мемлекетине адам ёллап, яхшы этип, сорап билинъиз ве огренинъиз. Бунъа ошагъан бир шей олдымы?

Йирмея 25:15

РАББИ, Исраильнинъ Алласы манъа бойле деди: – Элимден хышым шарабына толу савутны ал да, Мен сени ёллайджакъ эписи халкъларгъа ичир.

Йирмея 25:22

Тир шеэрининъ эписи падишаларына, Сидон шеэрининъ эписи падишаларына; денъизнинъ башкъа тарафындаки мемлекетлернинъ падишаларына;

Йирмея 47:4

О куню фелестинлилернинъ эписине олюм келеджек, Тир ве Сидоннынъ къалгъан ярдымджылары ёкъ этиледжек, РАББИ Къафтор адасында къалгъан фелестинлилерни харап этеджек.

Ехезкель 26:1

11-инджи йылында, айнынъ биринджи куню РАББИ манъа шойле деди:

Ехезкель 26:2

– Инсан огълу! Тир шеэри Ерусалим акъкъында бойле дей: «Аха-а! Чокъ халкълар кечип кеткен къапулар бозулгъан! Шимди эписи манъа догъру келеджек! Энди мен бай олурым, о исе харап къаладжакъ!»

Ехезкель 27:30

сенинъ акъкъынъда юксек сеснен агълайджакълар, аджынып ынъранаджакълар. Башларына куль сепип, топракъта юварланаджакълар.

Ехезкель 27:6

Башан эменлеринден къайыкъ куреклерини яптылар, Киттим ялыларынынъ кипарислеринден геми когертесини ясадылар, фильтишнен донаттылар.

Даниял 11:30

Онен берабер Киттим гемилери келип, оны рухтан тюшюреджеклер, ве о, кери къайтаджакъ. Азиз васиетке ачувы чыкъып, о, озь ниетини беджереджек ве азиз васиетнинъ душманларынен келишеджек.

Юнус 1:3

Юнус исе РАББИден Таршишке къачмагъа истеди. Яфагъа келип, Таршишке кетеджек бир гемини тапты. Ёл парасыны берди, РАББИден къачайым деп, денъизджилернен берабер Таршишке бармакъ ичюн, гемиге минди.

Сайылар 24:24

Киттимден гемилер келеджек, Ашшурны ве Эверни бойсундыраджакълар, лякин олар да гъайып оладжакъ!

Лука 10:13

‌Сенинъ алынъ беля, эй, Хоразин! Сенинъ алынъ беля, эй, Бетсайда! Сизлерде олгъан аджайип шейлер Тир ве Сидон шеэрлеринде олгъан олса, олар чокътан чувал токъумасына сарылып, устьлерине куль сепип, отурып тёвбе этер эдилер.

Нун огълу Ехошуа 19:29

Ондан сонъ сынъыр арткъа Рамагъа тараф айлана, пекинген Тир шеэрине кетип, Хосагъа айлана ве Акъзив деген ерде денъиз янында бите эди.