Ешая 22:4 - Мукъаддес Китап

⁴ Онынъ ичюн айттым: «Быракъынъыз мени, аджджы-аджджы агълайым, манъа юрек бермеге ашыкъманъыз, халкъым гъайып олды да!»

Ешая 22:4 ပူးပေါင်းရင်းမြစ်များ

Эстер 4:1

Мордекъай эр олып кечкен шейни бильген сонъ, озь урбаларыны йыртты, устюне чувал токъумасыны кийди, озь башына куль септи, шеэрнинъ меркезине барды ве къычырып аджджы сеснен агълап башлады.

Зебур 77:2

Агъзымны ачып, кинаели икяе айтарым, къадимий сырларны беян этерим:

Ешая 15:3

Сокъакъларында чувал токъумаларына сарылалар, дамларда ве мейданларда эр кес агълай, эр кес козьяш ичинде богъула.

Ешая 33:7

Бакъынъыз, кучьлю адамлар сокъакъларда ярдымгъа чагъыралар, барышыкъ шартнамесини тизеджек олгъан эльчилер аджджы-аджджы агълайлар.

Йирмея 13:17

Эгер бунъа къулакъ асмасанъыз, кибирлилигинъиз ичюн джаным гизли ерде агълайджакъ, окюр-окюр къычыраджакъ козьлерим аджджы козьяш тёкеджек, РАББИнинъ халкъы эсирге алынаджакъ.

Йирмея 31:15

РАББИ бойле дей: – Рама шеэринде бир сес эшитиле, агълав ве аджджы къыямет! Балалары артындан Рахель агълай, тынчланмагъа истемей; онынъ балалары ёкъ энди!

Йирмея 4:19

Ах, ичим-багърым, ичим-багърым! Юрегим яна, юрегим сызлай, сусып оламайым! Джаным боразан сесини, дженк давушларыны эшите!

Йирмея 6:26

Эй, халкъымнынъ къызы! Чувал токъумасына сарыл, тозгъа йыкъыл. Бирден-бир огълунъны джойгъан киби, аджджы-аджджы агъла; гъайып этиджи бизге апансыздан келеджек.

Йирмея 8:18

Къасеветимде ич кимсе гонълюмни алмаз, юрегим такъаттан кесиле.

Йирмея 9:1

Ах, башым сув олса, козьлерим де козьяш чокърагъы олса эди, гедже-куньдюз халкъымнынъ ольдюрильгенлери ичюн агълар эдим.

Йирмея 9:18

Ашыкъып кельсинлер де, бизлер ичюн агъласынлар, козьлеримиз козьяш тёксюн, кирпиклеримизден сувлар акъсын.

Агълав йырлары 2:11

Козьлерим агъламакътан кёр олды, ичим-багърым къайнай, халкъымнынъ къызы гъайып олгъаны ичюн, юрегим яна; балаларнен сабийлер шеэр сокъакъларында ачлыкътан эслерини джоялар.

Ехезкель 21:11

Къылыч темизленмек ичюн, эльге алмакъ ичюн берильди. Эм къайралгъан, эм темиз къылыч ольдюргеннинъ элине берильди.

Ехезкель 27:31

Олар сенинъ ичюн башларыны тыраш этеджеклер, чувалдан япылгъан урбаларны киеджеклер, аджджы козьяшлар тёкип, юреклери сызлап, сенинъ акъкъынъда агълайджакълар.

Микъа 1:8

Шунынъ ичюн мен окюр-окюр агълайджагъым, чыплакъ ве ялынаякъ юреджегим, шакъал киби улуйджагъым, байкъуш киби къычыраджагъым.

Матта 2:18

«Рама шеэринде бир сес эшитиле, агълав ве аджджы къыямет! Рахель балалары артындан агълай, тынчланмагъа истемей; онынъ балалары ёкъ энди!»

Матта 26:75

О дакъкъада Исанынъ онъа: «Хораз къычырмаздан эвель, сен учь кере Менден вазгечеджексинъ», – деген сёзлери Пётрнынъ эсине тюшти. Тышкъа чыкъып, о окюр-окюр агълады.

Лука 1:2

Бизлер исе эр шейни озь козюнен корьген адамлардан, Сёзнинъ хызметчилеринден билип,

Лука 19:41

Иса Ерусалимге якъынлашкъанда, шеэрни корип, онынъ алына козь яш тёкти ве: