Ешая 22:11 - Мукъаддес Китап

¹¹ Эки дивар арасында, эски хавузнынъ сувларыны топламакъ ичюн, янъы хавуз япасыз. Амма буны эвель-эзельден тайинлеп япкъан Аллагъа къулакъ асмайсынъыз, Онъа бакъмайсынъыз.

Ешая 22:11 ပူးပေါင်းရင်းမြစ်များ

4 Падишалар 20:20

Хизкия акъкъында башкъа шейлер, онынъ къараманлыгъы, насыл хавуз япкъаны ве шеэрге сув кечиргени акъкъында Ехуда падишаларынынъ тарихы китабында язылгъандыр.

4 Падишалар 25:4

Душман шеэрге сокъулды. Геджеси аскерлернинъ эписи падиша багъчасынынъ янындаки эки дивар арасында араба къапусындан чыкъып къачтылар. Къасдийлилер шеэрнинъ этрафында турса да, падиша Арава ёлунен къачып кетти.

2 Тарих вакъиалары 6:6

Амма Меним Намым анда булунсын деп, Ерусалимни сайладым, ве Меним халкъым Исраильни идаре этсин деп, Давутны сайладым».

Нехемья 3:16

Онынъ артында Бет-Цур дживарынынъ ярысынынъ башлыгъы, Азбукънынъ огълу Нехемья Давутнынъ дюрбесине къадар, къазылгъан хавуз ве джесюрлернинъ эвине къадар диварны тюзетти.

Ешая 17:7

О куню адамлар Яраткъангъа бакъаджакъ, козьлери Исраильнинъ Азизини кореджеклер.

Ешая 22:10

Ерусалимдеки эвлерни саясыз, диварларны къавийлештирмек ичюн, эвлерни йыкъасыз.

Ешая 31:1

Вай-вай-вай! Мысырдан ярдым сорап кеткенлернинъ башына беля! Атларгъа таяналар, дженк арабаларынынъ чокълугъына ве аскерлерининъ буюк кучюне ишаналар, Исраильнинъ Азизине исе къулакъ асмайлар, РАББИни къыдырмайлар.

Ешая 37:26

Бутюн буларны Мен чокътан япкъаным акъкъында эшитмединъми сен? Къадимий заманларда буны Мен яздым. Шимди исе къавийлештирильген шеэрлерни сенинъ къолларынънен ёкъ эттим.

Ешая 7:3

РАББИ Ешаягъа бойле деди: – Огълунъ Шеар-Яшувнен берабер кетип, юкъары хавузнынъ сув ёлунынъ сонъуна, юнь ишлегенлернинъ тарласына кеткен ёлгъа чыкъ ве Ахазнен корюш.

Ешая 8:17

Якъупнынъ эвинден юзюни сакълагъан РАББИни беклейджегим, Онъа ишанаджагъым.

Йирмея 39:4

Ехуданынъ падишасы Цидкия ве эписи аскерлер оларны корип, къачтылар, геджесинен падишанынъ багъчасындан эки дивар арасындаки къапудан кечип, Арава ёлунен кеттилер.

Микъа 7:7

Мен исе РАББИден ярдым беклейджегим, Къуртарыджым Аллама умют этеджегим, Аллам да мени эшитеджек.