Ешая 2:12 - Мукъаддес Китап

¹² Бутюн къопай, гъурур ве юксельтильген адамларгъа къаршы Ордулар РАББИсининъ куню келеджек, ве олар эписи ашаланаджакълар!

Ешая 2:12 ပူးပေါင်းရင်းမြစ်များ

2 Падишалар 22:28

Алчакъгонъюллини къуртарасынъ, макътангъан адамны корип, алчакълатасынъ.

Эюп акъкъында китап 24:1

Нечюн Къудретлиге джеза вакъты белли олса да, Алланы таныгъанлар исе Онынъ суд куньлери кельгенини корьмейлер?

Зебур 131:1

Я РАББИ, Давутны да, онынъ бутюн къасеветлерини унутма.

Зебур 37:13

Меним джанымны къыдыргъанлар къапкъан къоя; манъа яманлыкъ истегенлер исе, оледжегим акъкъында айтып, эр кунь манъа къаршы фитне къуралар.

Зебур 94:2

Онынъ янына шукюр сёзюнен якъынлашайыкъ, Онъа къуванчнен багъырып йырлайыкъ!

Икметли сёзлер 16:5

Кибирли юректен РАББИ нефретленир, керчектен де, о джезасыз къалмаз.

Ешая 10:12

Рабби Сион дагъында ве Ерусалимде озь ишини битирген сонъ, Ашшурнынъ падишасыны къопай юреги ве юкъарыдан бакъкъан козьлери ичюн джезалайджакъ.

Ешая 10:33

Мына, Рабби, Ордуларнынъ РАББИси дешетли кучюнен терек пытакъларыны къопараджакъ, узун бойлу тереклерни балталайджакъ, юкъары котерильгенлерни ерге йыкътыраджакъ,

Ешая 13:11

Мен дюньяны – яманлыкъ ичюн, яман адамларны – акъсыз япкъанлары ичюн джезалайджагъым, къопайларнынъ гъурурыны ёкъ этеджегим, макътангъан залымларны ашалайджагъым.

Ешая 13:6

Агъланъыз! РАББИнинъ куню якъындыр! Эр шейни йыкътыраджакъ Къудретлининъ кучю келе!

Ешая 13:9

Мына, РАББИнинъ куню келе! Къоркъунчлы, гъазапкъа ве шиддетли ачувгъа толу куньдир! Ер юзю сахрагъа чевириледжек, анда яшагъан эписи гуналылар ёкъ этиледжек.

Ешая 14:15

Амма сени олюлернинъ дюньясына, олюм чукъурынынъ теренлигине алып кеттилер!

Ешая 23:9

Эр бир шуретли адамнынъ къопайлыгъыны масхара этмек, бутюн ер юзю урьмет эткен адамларны ашаламакъ ичюн, бу къарарны Ордуларнынъ РАББИси чыкъарды.

Ешая 24:21

О куню РАББИ юкъарыда кок ордусыны джезалайджакъ, ер юзюнде ер падишаларыны джезалайджакъ.

Ешая 24:4

Ер юзю къуруп сола, дюнья харап ола, ер юзюндеки кучьлю адамлар такъаттан кесиле.

Ешая 40:23

О, мырзаларны ич бир шейге чевире, ернинъ къадыларыны бош бир шейге айландыра.

Ешая 42:15

Дагъ ве тёпелерни харап этеджегим, бутюн ешиллигини къурутаджагъым. Озенлерини ойле сай этеджегим ки, оларда адалар пейда оладжакъ, голлерини къурутаджагъым.

Ешая 5:15

Адамлар ашаланаджакъ, акъайлар къатланаджакъ, къопайларнынъ козьлери ашагъы бакъаджакъ.

Ешая 61:2

РАББИнинъ разылыгъы йылыны ве Алламызнынъ джеза кунюни беян этмеге, эписи агълагъанларнынъ гонъюллерини алмагъа,

Йирмея 12:9

Халкъым Манъа чубар йыртыджы къуш киби олды, башкъа йыртыджы къушлар да оны сарды. Кетинъиз, эписи кийик айванларны топланъыз, оны ашап битиринъиз.

Йирмея 13:9

– РАББИ бойле дей: Мына, Ехуданынъ къопайлыгъыны, Ерусалимнинъ буюк къопайлыгъыны бойле чюрютеджегим.

Йирмея 30:7

Ах, беля! О кунь буюктир! Онъа ошагъан кунь ёкъ! Якъуп ичюн бу сыкъынты заман! Амма о, ондан къуртуладжакъ!

Йирмея 46:10

Бу кунь – Раббининъ, Ордулар РАББИсининъ джезасы кунюдир. О, душманларыны джезалайджакъ, къылычы тойгъандже ашайджакъ, къанларыны тойып ичеджек! Бу, шималь топракъта, Фират дерьясы янында Раббиге, Ордулар РАББИсине, чалынгъан къурбандыр.

Йирмея 50:31

– Бакъ, Мен санъа къаршы чыкъам, эй, макътанчакъ! – дей Ордуларнынъ РАББИ-ТААЛЯсы. – Сенинъ кунюнъ, джеза вакътынъ кельди.

Ехезкель 13:5

Сизлер диварларнынъ тешиклерине бармайсынъыз, РАББИнинъ кунюнде дженкте къавий турмакъ ичюн, Исраильнинъ чевресини диварларнен къавийлештирмейсинъиз.

Амос 5:18

РАББИнинъ куню келювини истегенлерге беля олсун! РАББИнинъ куню сизге неге керектир? О ярыкъ дегиль, къаранлыкъ оладжакътыр.

Микъа 2:3

Шунынъ ичюн РАББИ шойле дей: – Мына, Мен шу халкъкъа ойле беля ёлларым ки, озь боюнларынъызны къуртарып оламазсынъыз, башынъызны котерип юрип оламазсынъыз, ве заманлар пек фена оладжакъ.

Микъа 5:11

Мемлекетинъдеки шеэрлеринъни бербат этеджегим, эписи пекитильген ерлеринъни йыкъаджагъым.

Цефанья 1:16

О куню бору чалынаджакъ, къавийлештирильген шеэрлерге ве юксек къуллелерге къаршы къычырувларнен дженк этеджеклер.

Цефанья 3:11

О куню сен Манъа къаршы япкъан яманлыкъларынънен озюнъни масхара этмейджексинъ. Мен сенинъ аранъдан къопай ве бурун котерген эр бир адамны узакълаштыраджагъым. Сен Меним мукъаддес дагъымда башкъа озюнъни юксек тутмайджакъсынъ.

Малакий 4:1

– Мына, фурун киби янгъан кунь келе. О вакъыт эписи къопайлар ве яманлыкъ япкъанлар тобан киби оладжакълар, ве келеяткъан кунь оларны якъаджакъ, – дей Ордуларнынъ РАББИси. – Оларда не тамыр, не пытакъ къалдырылмайджакъ.

Малакий 4:5

РАББИнинъ буюк ве къоркъунчлы куню кельмезден эвель, Мен сизге Ильяс пейгъамберни ёллайджагъым.

Матта 23:12

Ким озюни юксек тутса, алчакъта оладжакъ. Ким озюни алчакъ тутса, юксельтиледжек.

Лука 14:11

Эр бир озюни юксельткен адам алчакълатыладжакъ. Озюни алчакълаткъан исе юксельтиледжек.

1 Коринтлилерге 5:5

бу адамны Шейтангъа бермек керексинъиз. Онынъ бедени гъайып олсун, руху исе Раббининъ кунюнде къуртулсын.

1 Тессалоникелилерге 5:2

Озьлеринъиз яхшы билесинъиз ки, Раббининъ куню, гедже хырсыз киби, келеджек.

Якъуп 4:6

Амма О, бизге даа зияде эйиликни бере. Бойлеликнен, Языда айтылгъан ки, Алла къопайларгъа къаршы чыкъаджакъ, алчакъгонъюллилерге исе эйилик япаджакъ.