Ешая 19:6 - Мукъаддес Китап

⁶ Озенлер сасып башлайджакъ, Мысыр каналлары сай олып къуруйджакъ, къамыш ве саз солып къаладжакъ.

Ешая 19:6 ပူးပေါင်းရင်းမြစ်များ

Башланув 41:2

Дерьядан гузель корюмли ве семиз еди баш сыгъыр чыкъты ве къамышлыкъта отлады.

4 Падишалар 19:24

Ябанджы ерлерде къую къазып, сувуны ичтим, бутюн Мысыр озенлерини табанларымнен къуруттым», – дединъ.

Эюп акъкъында китап 8:11

Батакълыкъ олмагъан ерде папирус оту осерми? Сув олмагъан ерде къамыш осерми?

Эюп акъкъында китап 8:12

О, даа ешиль олып, кесильмеден, сув олмаса, башкъа отлардан эвель къуруп кетер.

Чыкъыш 2:3

Амма оны артыкъ сакъламагъа чареси къалмагъанындан, къамыштан орюльген сепетни алды ве оны къатраннен ве зифтнен зифтледи. Ичине баланы къойып, дерьянынъ ялысы янындаки къамышлыкъкъа къойды.

Чыкъыш 7:18

Дерьядаки балыкъ олер, дерья фена къокъу даркъатып башлар, ве мысырлылар дерьядаки сувны ичип оламазлар».

Ешая 15:6

Нимрим озенининъ сувлары чекильди, чайырлар къуруды, отлар сарарып солды, ешиллик битти.

Ешая 18:2

О топракъ къамыш къайыкъларнен денъиз сувларындан эльчилерини ёллай. Эй, чабик хаберджилер! Озенлер больген топракъкъа, бойлу ве тегиз тенли миллетке, бутюн орталыкъта эр кеснинъ отюни патлаткъан, лафлары анълашылмагъан, эр шейни таптагъан халкъкъа кетинъиз.

Ешая 37:25

Къую къазып, сувны ичтим, бутюн Мысыр озенлерини табанларымнен къуруттым», – дединъ.

Нахум 3:8

Сен Но-Амон шеэринден яхшысынъмы? О, озенлер арасында ерлешкен эди, чевре-чети сув эди, денъиз оны къорчалай, Нил дерьясы онынъ дивары эди.