Ешая 17:8 - Мукъаддес Китап

⁸ Къоллары япкъан къурбан ерлерине бакъмайджакъ, пармакълары япкъанларыны корьмейджеклер, Ашера путуна табынма диреклерине ве отлар якъыладжакъ ерлерине къулакъ асмайджакъ.

Ешая 17:8 ပူးပေါင်းရင်းမြစ်များ

2 Падишалар 22:42

Олар ярдым истейлер, амма оларны къуртаргъан кимсе ёкъ. РАББИни чагъыралар, амма О, оларны эшитмей.

2 Тарих вакъиалары 14:5

О, Ехуда топрагъындаки эписи шеэрлерде олгъан ибадет тёпелерини ве къокъулы отларны якъмакъ ичюн ерлерни ёкъ этти. Онынъ заманында падишалыкъта тынч яшадылар.

2 Тарих вакъиалары 31:1

Бунынъ эписинден сонъ, анда олгъан исраиллилер Ехуда шеэрлерине кеттилер ве бутюн пут ташларыны парчаладылар, Ашера путуна табынма диреклерини кестилер ве бутюн Ехуда, Биньямин, Эфраим ве Менашше топракъларындаки ибадет тёпелерини ве къурбан ерлерини бутюнлей ёкъ эттилер. Сонъ Исраиль огъуллары озь ерлерине, озь шеэрлерине къайттылар.

2 Тарих вакъиалары 34:4

Ёшиянынъ козю огюнде Баалларнынъ къурбан ерлерини бозып ташладылар, оларнынъ устюнде тургъан къокъулы отларны якъмакъ ичюн ерлерини де парчаладылар. О, Ашера путуна табынма диреклерини балталады, агъачтан я да иритильген маденден япылгъан путларны исе парчалап эзди, сонъ тозуны оларгъа къурбанлар кетиргенлернинъ къабирлерине септи.

Чыкъыш 34:13

Оларнынъ къурбан ерлерини урып йыкъынъыз, пут ташларыны парланъыз, Ашера путуна табынма диреклерини кесип ташланъыз!

Ешая 1:29

– Сиз истеген эмен тереклеринъизден утанаджакъсынъыз, сиз сайлагъан багъчаларынъыз ичюн бетлеринъиз къызараджакъ.

Ешая 10:20

О куню сагъ къалгъан исраиллилер, Якъупнынъ къуртулгъан эвлятлары, оларны ургъангъа таянмайджакъ, амма РАББИге, Исраильнинъ Азизине, джан-юректен ишанаджакълар.

Ешая 17:9

О куню оларнынъ къавийлештирильген шеэрлери бакъымсыз оладжакъ. Исраиль огъулларындан къуртулып, орман ве дагъ тёпелериндеки ерлерни насыл ташлагъан олсалар, шеэрлерни де ташлап кетеджеклер. Шеэрлери бом-бош оладжакъ.

Ешая 2:8

Топрагъы бош путларгъа да толу олды, къолларынен япылгъан, пармакъларынен ясалгъан путларгъа табыналар.

Ешая 27:9

Бунынънен Якъупнынъ къабааты одеме этиледжек, гунасындан вазгечкенде, ишлери ойле оладжакъ: къурбан ерлерининъ эписи ташларыны, киреч киби, тозгъа чевиреджек, Ашера путуна табынма диреклерини кеседжек, къокъулы отлар якъыладжакъ ерлерни бозаджакълар.

Ешая 30:22

Сонъ кумюшнен къаплангъан путларынъызны, алтыннен къаплангъан путларынъызны арам деп саяджакъсынъыз, пис шей киби, котерип атаджакъсынъыз, «Кет мындан», – айтаджакъсынъыз.

Ешая 37:19

оларнынъ аллаларыны атеште якътылар. Олар исе аллалар дегиль, олар инсан япкъан шейдир: агъач ве таш. Шунынъ ичюн де оларны ёкъ эттилер.

Ешая 41:29

Иште, эписи бир олмайджакъ, ишлери де бир шейге ярамайджакътыр, путлары – ель ве бошлукътыр!

Ешая 44:15

Адам тереклерни одун оларакъ къулланыр, бир къысмыны бузламамакъ ичюн якъар, отьмек пиширмек ичюн де атеш туташтырыр. Теректен де алланы япып, онъа табыныр, путны ясап, огюнде ерге тюшер.

Йирмея 17:2

Юксек байырлардаки, гурь тереклер тюбюндеки Ашера путуна табынма диреклери ве къурбан ерлери акъкъында санки огъуллары деп къайгъыралар.

Ехезкель 36:25

Мен устюнъизге темиз сув сепеджегим, ве сизлер эписи озь писликлеринъизден темизленеджексинъиз. Сизни даа эписи путларынъыздан темизлейджегим.

Хошеа 14:8

Бир даа адамлар кольгесинде яшайджакъ ве чокъ богъдай берекетини джыяджакъ. Олар, юзюм чубугъы киби, чечек ачаджакъ, Ливан шарабы киби, нам къазанаджакъ.

Хошеа 14:9

«Путлар манъа неге керек?» – дейджек Эфраим. Мен оны эшитеджегим ве оны бакъаджагъым. Мен гурь кипарис тереги киби оладжагъым, сен берекетинъни Менден кореджексинъ.

Цефанья 1:3

Адамларны ве айванларны, коклерде учкъан къушларны ве денъизде ялдагъан балыкъларны ёкъ этеджегим. Яман адамларны ве ёлдан ургъан эр бир шейни де ёкъ этеджегим. Мен инсаниетни ер юзюнден ёкъ этеджегим, – дей РАББИ.

Зекерья 13:2

О куню Мен бу мемлекетте путларнынъ адларыны силип ташлайджагъым, ве олар бир даа анъылмайджакълар, – дей Ордуларнынъ РАББИси. – Бундан гъайры, Мен пейгъамберлерни ве арамлыкъ рухуны да топракътан узакълаштыраджагъым.

Къануннынъ текрары 7:5

Оларгъа бойле япынъыз: къурбан чалгъан ерлерини йыкъынъыз, пут ташларыны парланъыз, Ашера путуна табынма диреклерини кесинъиз, путларыны да атеште якъынъыз.