Ешая 17:5 - Мукъаддес Китап

⁵ О вакъыт оракъ вакътына ошайджакъ: оракъчылар башакъларны ораджакъ, Рефаим вадийинде башакъларны джыяджакълар,

Ешая 17:5 ပူးပေါင်းရင်းမြစ်များ

2 Падишалар 5:18

Фелестинлилер келип, Рефаим вадийинде ерлештилер.

2 Падишалар 5:22

Бираз вакъыт кечкен сонъ, фелестинлилер кене келип, Рефаим вадийинде ерлештилер.

Икметли сёзлер 27:25

От солгъанынен тазе ешиллик пейда олур, дагълардаки отлар да джыйылыр;

Ешая 17:11

Сачкъан кунюнде сачкъанларынъ осип, эрте чечеклесин деп, къайгъырдынъ, амма джыймагъа кунь кельгенде, берекет ерине аджджы къаарь ве яхшы олмагъан агъры джыяджакъсынъ.

Йирмея 51:33

Ордуларнынъ РАББИси, Исраильнинъ Алласы, бойле дей: – Вавилон къызы – басылаяткъан арман кибидир, аз къалды да, оракъ вакъты келеджек.

Йирмея 9:22

Айт: РАББИ бойле дей: – Чёльде кубре киби, олюлер джайылып ятаджакълар, орулгъан богъдай киби, ерге йыкъыладжакъ, ве кимсе оларны джыймайджакъ.

Хошеа 6:11

Халкъымны сюргюнликтен къайтаргъанымдан сонъ, санъа да, Ехуда, джеза куню, оракъ вакъты киби, келеджек.

Ёэль 3:13

Оракъларынъызны ишлетинъиз, – ашлыкъ пишти. Келинъиз, юзюмни басынъыз, – юзюм сыкъылгъан ерлер толу, шарап фычылары ташалар. Халкъларнынъ яманлыкълары пек буюк!

Матта 13:30

Оракъ вакъты кельгендже, оларгъа тийменъиз, берабер осе берсинлер. Оракъ вакъты кельгенде, мен оракъчыларгъа: “Башта зеэрли отларны джыйынъыз ве обалап багъланъыз да, якъынъыз. Богъдайны исе меним анбарыма алып барынъыз”, – дейджем».

Нун огълу Ехошуа 15:8

Сонъ сынъыр евуслылар шеэри олгъан Ерусалимнинъ дженюбий тарафындан Бен-Хинном вадийине тараф котериле эди. Андан сынъыр Рефаим вадийининъ шималь четинде ерлешкен Хинном вадийинден гъарпта яткъан дагънынъ тёпесине котериле эди.

Нун огълу Ехошуа 18:16

Рефаим вадийинден шимальде яткъан, Бен-Хинном вадийининъ къаршысында олгъан дагъ этегине тараф тюше эди, Хинном вадийи бою евуслылар шеэрининъ дженюп тарафында ве сонъ Эн-Рогельге ашагъы тюше эди.