Ешая 17:13 - Мукъаддес Китап

¹³ Халкълар кучьлю сувлар дайын окюрелер, амма Алла оларны гъазапнен опькелейджек, олар узакъларгъа къачып кетеджеклер. Ель дагъларда тозны, къасыргъа кепекни къувалагъаны киби, олар да къувуладжакълар.

Ешая 17:13 ပူးပေါင်းရင်းမြစ်များ

Эюп акъкъында китап 21:18

Олар ель къувалагъан тобан киби, боран учургъан саман киби олурлар.

Эюп акъкъында китап 38:11

«Бу ерге къадар келип токътайджакъсынъ, гъурурлы далгъаларынъ бу ерде токътап къаладжакъ», – дедим.

Зебур 1:4

Ярамайлар бойле дегиллер, олар ельде савурылгъан тобан киби олурлар.

Зебур 35:5

О, яткъан тёшегинде беляны тюшюне, яхшы олмагъан ёлгъа адым атып, яманлыкътан юзь чевирмей.

Зебур 65:7

О, Озь къудретинен эр вакъыт падишалыкъ этеджек. Онынъ козьлери халкъларгъа дикъкъатнен бакъалар. Исьянджылар Онъа къаршы котерильмезлер! Сэла

Зебур 65:8

Эй, халкълар, Алламызгъа шукюр этинъиз, Оны макътагъан сеслерни эшиттиринъиз!

Зебур 9:5

Сен суд этип, меним давамны чездинъ, тахткъа отурдынъ, адалетли суд эттинъ.

Ешая 14:25

Ашшурны Меним топрагъымда ёкъ этеджегим, дагъларымда таптайджагъым. Халкъым Ашшурнынъ боюндырыгъындан, омузларындаки юктен къуртуладжакъ.

Ешая 21:15

Олар къылычтан, ялын къылычтан, тартылгъан яйдан, дженкнинъ дешетинден къачалар.

Ешая 22:18

яхшы этип, бир томалакъкъа топлап, сени кениш бир топракъкъа фырлатаджакъ. Анда сен оледжексинъ, аджайип дженк арабаларынъ да анда оладжакъ. Эфендинънинъ эвинде масхаралыкъсынъ!

Ешая 27:1

О куню РАББИ агъыр, буюк ве къавий къылычынен ливьятанны – къачкъан йыланны ураджакъ, ливьятанны – бургъучлангъан йыланны джезалайджакъ, денъиз аждерханы ольдюреджек.

Ешая 29:5

Сайысыз душманларынъ – уфакъ тозгъа, къоркъунчлы ордулар – ель алып кеткен кепекке ошайджакъ. Бу апансыздан, бир аньде оладжакъ.

Ешая 30:28

Нефеси – адамнынъ богъазына къадар котерильген сув ташкъыны киби, электен унны кечирген киби, О, халкъларны сынап джезалайджакъ; халкъларнынъ агъызларына ёлны адаштырыджы агъызлыкъны такъаджакъ.

Ешая 34:17

Олар ичюн РАББИ джереп чекти, къолунен мемлекетни ольчеп, оларгъа пай этти. Олар омюрбилля о топракъкъа саиплик этип, несильден несильгедже анда яшайджакълар.

Ешая 40:15

РАББИ ичюн миллетлер – къопкъадаки сув тамчысы, теразедеки тоз зерреси кибидир. Мына, индже тоз киби, адаларны котере.

Ешая 40:24

Якъында сачылып, якъында сепилип, якъында топракъкъа тамыр аткъанда, РАББИнинъ уфюргенинден къуруйлар, боран оларны, тобан киби, савура.

Ешая 41:11

Санъа къаршы ачувлангъан эр кес утанаджакъ ве масхара оладжакъ. Сеннен дженклешкенлер бош ер киби олып, гъайып оладжакъ.

Ешая 8:7

Рабби оларгъа къаршы буюк Фират дерьясынынъ кучьлю къабаргъан чокътан-чокъ сувларыны – Ашшур падишасыны ве бутюн шуретли ордусыны алып кетиреджек. Дерья бутюн ирмакъларында котерилип, эписи ялыларындан толып-ташаджакъ,

Даниял 2:35

О заман демир, чамур, бакъыр, кумюш ве алтын, – эписи бирден чиль-парча олдылар ве яз арманнынъ тозуна чевирильдилер. Оларны ель алып кетти. Олардан из биле къалмады. Путны парлагъан таш исе балабан дагъ олып, бутюн ер юзюни къаплады.

Хошеа 13:3

Бунынъ ичюн олар саба думаны киби, тез гъайып олгъан чыкъ киби оладжакъ, арман еринден савурылгъан саман чёпюне, собадан чыкъкъан тютюнге ошайджакълар.