Ешая 16:9 - Мукъаддес Китап

⁹ Онынъ ичюн Язер акъкъында, Сивмадаки юзюмлик артындан агълайджагъым. Хешбон ве Элале шеэрлери, сизинъ акъкъынъызда козьяш тёкеджегим! Юзюм джыйылгъан вакътында, оракъ мевсиминъде шенъли къуванч ёкъ да!

Ешая 16:9 ပူးပေါင်းရင်းမြစ်များ

Ешая 9:3

Я РАББИ, Сен халкъны чокълаштырдынъ, оларгъа буюк къуванч багъышладынъ. Берекет джыйгъан заманда киби, алынгъан гъаниметнен пайлашкъан вакъытта киби, халкъ Сенинъ огюнъде къувана.

Йирмея 40:10

Мен Мицпада къалып, бизге келеджек къасдийлилерге хызмет этеджегим. Сизлер исе шарап, яз мейваларыны, зейтюн ягъыны топланъыз, савутларынъызгъа къоюнъыз ве ерлешкен шеэрлеринъизде яшанъыз, – деди.

Йирмея 40:12

къувалангъан ерлеринден къайтып, Ехуда топрагъына, Мицпа шеэрине, Гедальягъа кельдилер, пек чокъ шарап ве яз мейваларыны джыйдылар.

Ехезкель 27:31

Олар сенинъ ичюн башларыны тыраш этеджеклер, чувалдан япылгъан урбаларны киеджеклер, аджджы козьяшлар тёкип, юреклери сызлап, сенинъ акъкъынъда агълайджакълар.

Ехезкель 32:18

– Инсан огълу! Мысыр халкъы ичюн агъла, оларны ве намлы халкъларнынъ къызларыны ашагъы дюньягъа, мезаргъа кеткенлернен берабер ат.

Къадылар 9:27

Юзюм багъчаларына кетип, махсулларыны джыйдылар, юзюмни юзюм сыкъкъан ерде сыкътылар, байрам яптылар. Сонъ озь аллаларынынъ эвине кетип, ашады-ичти ве Авимелекни сёгдилер.