Ешая 16:1 - Мукъаддес Китап

¹ Топракънынъ падишасына Села шеэринден, сахра ёлундан, Сион къызынынъ дагъына къочкъарларны ёлланъыз.

Ешая 16:1 ပူးပေါင်းရင်းမြစ်များ

2 Падишалар 8:2

Сонъ о, моавлыларны енъди. Моавлыларны ерге серип, оларны аркъаннен ольчеп, учьке больди. Эр учюни аркъаннен ольчеп, учьте экисини ольдюрди, бир аркъанны исе сагъ къалдырды. Сонъ моавлылар Давутнынъ къуллары олды ве салым тёледилер.

4 Падишалар 14:7

Амацья Туз вадийинде 10 000 эдомлыларны енъди, Села шеэрини дженклешип алды ве онъа Ёкътеэл адыны къойды. Бу ад шимдигедже сакъланып къалды.

4 Падишалар 3:4

Моав мемлекетининъ падишасы Меша къой асравджылыкънен огъраша эди. О, Исраиль падишасына 100 000 баш къоюн ве 100 000 баш къоюннынъ юнюни йибере эди.

Узеир 7:17

Шу параларгъа сен гъайретнен бугъалар, къочкъарлар, къозулар, ашлыкъ бахшышлары ве ичерлик бахшышларыны сатын ал ве буларнынъ эписини Ерусалимдеки Алланынъ Эвинде олгъан къурбан ерине кетир.

Ешая 10:32

Бир кунь Нов шеэринде къалып, Сион дагъына, Ерусалим тёпелигине юмрукъ саллайджакъ.

Ешая 42:11

Сахра ве андаки шеэрлер, Кедарнынъ койлери сеслерини юксельтсин. Селада яшагъанлар тантана этсин, дагъларнынъ тёпелеринден къуванчнен къычырсынлар.

Ехезкель 45:16

– Бутюн мемлекет халкъы бу бахшышларны Исраильнинъ ёлбашчысына кетирсинлер.

Микъа 4:8

Эй, Сион къызы, Ерусалим шеэри, къойлар ичюн къаравуллыкъ къуллеси, сен, эвельки киби, падишалыкънынъ баш шеэри оладжакъсынъ, ве Ерусалим халкъы падишалыкъ этеджек.