Ешая 15:4 - Мукъаддес Китап

⁴ Хешбон ве Элале шеэрлери къычырып агълай, оларнынъ сеси тап Яхац шеэринде эшитиле. Шунынъ ичюн Моав аскерлери де агълайлар, олар рухтан тюштилер.

Ешая 15:4 ပူးပေါင်းရင်းမြစ်များ

Башланув 27:46

Рефикъа Исхакъкъа: – Бу хитли къызларындан яшайышым козюме корюнмей, – деди. – Эгер Якъуп бу ернинъ хитли къызларындан бирини апай этип алса, манъа яшайыш не керек?

3 Падишалар 19:4

Озю исе бир куньлюк узакълыгъында сахрагъа кетип, анда арча тюбюнде отурды ве озюне олюм сорап: – Етер, я РАББИ! Джанымны ал. Мен баба-деделеримден яхшы дегилим, – деди.

Йирмея 20:18

Анамнынъ къурсагъындан неге чыкътым? Дерт ве къаарь корьмеге, куньлеримни масхаралыкъ ичинде битирмегеми?

Йирмея 48:21

Тюзлюкке джеза кельди; Холон, Яхца, Мефаат,

Йирмея 48:34

Хешбондан Элале шеэринедже ярдымгъа чагъыралар; Цоардан Хоронаимгедже, Эглат-Шелишьягъадже, тап Яхац шеэрине баргъандже къычырувлар эшитиле, Нимримнинъ сувлары да къуруйджакъ.

Йирмея 8:3

Бу яман къабиледен бутюн сагъ къалгъанлар яшайышкъа коре олюмни сайлайджакълар. Мен оларны къувалайджакъ бутюн ерлерде, олар сагъ къаладжакъ топракъларда айны шей оладжакъ, – дей Ордуларнынъ РАББИси.

Юнус 4:3

Шимди, РАББИ, джанымны менден ал. Яшагъанымдан ольгеним яхшы.

Юнус 4:8

Кунеш чыкъкъандан сонъ, Алла шаркътан сыджакъ бир ель уфюртти. Кунеш Юнуснынъ башыны пиширип башлады. Юнус эсини джояджакъ киби олды. Озюне олюм сорап: – Яшагъанымдан ольгеним яхшы, – деди.

Сайылар 11:15

Манъа буны япмагъа истесенъ, – эгер козюнъде мерамет къазангъан олсам, – мени ольдюр, башыма тюшкен беляларны корьмейим, – деди.

Сайылар 21:23

Лякин Сихон исраиллилерге озь топрагъындан кечмеге разылыкъ бермеди. О, бутюн халкъыны топлады ве Исраильге къаршы сахрагъа кетти. Яхацкъа кельген сонъ, о, исраиллилернен дженк этти.

Сайылар 21:28

Хешбондан атеш, Сихоннынъ шеэринден алев чыкъты ве Моавнынъ Ар шеэрини, Арнон тёпеликлерининъ саиплерини якъып ёкъ этти.

Къануннынъ текрары 2:32

Сихон бутюн ордусынен берабер Яхац шеэри янында бизге къаршы дженкнен чыкъты.

Нун огълу Ехошуа 13:18

Яхац, Кедемот, Мефаат,

Сырларнынъ ачылувы 9:6

О куньлерде адамлар олюмни къыдыраджакълар, амма тапамайджакълар. Ольмеге истейджеклер, амма олюм олардан къачаджакъ.

Къадылар 11:20

Амма Сихон исраиллилерге топракъларындан кечмеге рухсет этмеди. О, бутюн ордусыны топлап, Яхац янында турып, исраиллилернен дженк башлады.