Ешая 14:6 - Мукъаддес Китап

⁶ Падиша ачувында халкъларны токътамаздан ура, гъазабында миллетлерни даима чекиштире эди.

Ешая 14:6 ပူးပေါင်းရင်းမြစ်များ

2 Тарих вакъиалары 36:17

РАББИ оларгъа къасдийлилернинъ падишасыны ёллады. О, Азиз Ердеки Эвде бутюн йигитлерни къылычнен ольдюрди ве кимсени аджымады – йигитни де, къызны да, акъсакъалны да, хаста къартны да, – Алла онынъ къолуна эр бирини берди.

Эюп акъкъында китап 9:13

Алла гъазабыны ятыштырмаз, Рахавнынъ хызметчилерини О, енъер.

Икметли сёзлер 21:30

Адамларнынъ икмети, анълайышы, насиаты – РАББИнинъ огюнде бош шей.

Икметли сёзлер 28:15

Заваллы халкънынъ яман акимдары – окюрген арслан, адамгъа атылгъан аюв кибидир.

Ешая 10:14

Теректеки къуш ювасыны дайын, халкъларнынъ зенгинликлерини къолай таптым, ювадан йымырта алгъан киби, озюме бутюн топракъларны алдым. Къанат къыбырдаткъан, агъыз ачкъан, “ин” деген кимсе олмады».

Ешая 14:5

РАББИ яман адамларнынъ таягъыны къырды, кучьлюлернинъ акимиетини йыкъты.

Ешая 33:1

Вай-вай-вай! Сен башкъаларны йыкъып ёкъ эте эдинъ, сени исе бир кимсе йыкъмады. Башкъаларны алдата эдинъ, сени исе бир кимсе алдатмады. Йыкъып битиргенинъден сонъ, сени де йыкъаджакълар, алдатып битиргенинъден сонъ, сени де алдатаджакълар.

Йирмея 25:26

бири-бирине якъын ве узакъ олгъан эписи шималь падишаларына; ер юзюндеки эписи халкъларнынъ падишаларына РАББИнинъ гъазап савутындан ичирдим. Эр кестен сонъ Шешах падишасы да ичеджек.

Йирмея 25:9

Мен эписи шималь халкъларыны чагъырып, топлайджагъым ве къулума, Вавилон падишасы Невукъаднеццаргъа ёллайджагъым, оларны бу мемлекетке, анда яшагъанларгъа, чевресиндеки бутюн халкъларгъа къаршы алып кетиреджегим ве оларны ёкъ этеджегим. Оларны къоркъунчлы шей этип, масхара этеджегим, ве олар эбедиен харап оладжакълар, – дей РАББИ.

Йирмея 48:17

Къомшуларынынъ эписи ве адыны таныгъан эр кес, агъланъыз! «Къудрет таягъы, шуретли аса парчаланды», – денъиз.

Йирмея 50:31

– Бакъ, Мен санъа къаршы чыкъам, эй, макътанчакъ! – дей Ордуларнынъ РАББИ-ТААЛЯсы. – Сенинъ кунюнъ, джеза вакътынъ кельди.

Агълав йырлары 1:21

Ич чеккенимни эшиттилер, амма гонъюль алыджым ёкъ; эписи душманларым белягъа огърагъанымны эшиттилер, буны манъа Сен япкъанынъа къувандылар. Сен эвельден айткъан кунь кельди, олар да мен киби олгъайды!

Хавакъкъукъ 1:17

Не вакъыткъадже олар агъларыны толдураджакъ ве бошатаджакълар, не вакъыткъадже токътамайып, халкъларны аджымайып ольдюреджеклер?

Хавакъкъукъ 2:5

Керчектен де, къопай адам – алдаткъан шараптыр. О, тынчланмаз, онынъ джаны о бир дюнья киби къызгъанч, олюм киби тоймаз. Эписи миллетлерни озюне топлай ве эписи халкъларны запт эте.

Якъуп 2:13

Мерамет косьтермеген адам мераметсизликнен суд этиледжек. Мерамет исе укюмден устюн келе.