Ешая 14:31 - Мукъаддес Китап

³¹ Агъланъыз, эй, шеэр къапулары! Эй, шеэр, сес чыкъарып улу! Эй, бутюн Фелестин топрагъы, сен гъайып оладжакъсынъ! Шималь тарафтан тютюн котериле, душман ордулары сыра-сыра келе, аскерлерден бири артта къалмай.

Ешая 14:31 ပူးပေါင်းရင်းမြစ်များ

Ешая 13:6

Агъланъыз! РАББИнинъ куню якъындыр! Эр шейни йыкътыраджакъ Къудретлининъ кучю келе!

Ешая 14:29

– Эй, фелестинлилернинъ топрагъы! Сени ургъан таякъ харап олгъанына къуванма! Йыланнынъ союндан кобра чыкъаджакъ, онынъ баласы – учкъан аждерха оладжакъ.

Ешая 16:7

Шунынъ ичюн моавлылар Моав акъкъында агълайджакъ, эр кес агълайджакъ. Рухтан тюшкенлер! Кир-Харесетнинъ юзюм къурусы артындан аджджы агъланъыз!

Ешая 20:1

Ашшурнынъ падишасы Саргон башкоманданны Ашдод шеэрине къаршы дженк этмеге ёллады. Башкомандан Ашдодгъа келип, шеэрни запт этти.

Ешая 24:12

Шеэр къоркъунчлы ерге чевирильди, къапулары чиль-парча олды.

Ешая 26:1

О куню Ехуда топрагъында бу тюркюни йырлайджакълар: Бизим шеэримиз къавий! Рабби бизни, дивар ве къале киби, къорчалай.

Ешая 34:16

Оларнынъ эписи, бири четте къалмай, анда чифт-чифт пейда оладжакъ. РАББИнинъ Китабында тапып окъунъыз, айтылгъан эр шей мытлакъа оладжакъ. Бу эмир РАББИнинъ агъзындан чыкъты, Руху да оларны топлайджакъ.

Ешая 45:2

– Огюнъден кетип, дагъларны тегизлейджегим, бакъыр къапуларны къыраджагъым, демир мандалларны сындыраджагъым,

Йирмея 1:14

Сонъ РАББИ манъа бойле деди: – Ер юзюнде яшагъанларнынъ эписине беля шимальден келеджек.

Йирмея 47:2

– РАББИ бойле дей: Мына, шималь тарафтан сувлар юкселелер, ташкъын бир дерья олып, ер юзюни, устюндеки шеэрни ве анда яшагъанларны къаплайджакъ. О заман адамлар ярдымгъа чагъыраджакълар, мемлекетте бутюн яшагъанлар аджджы агълайджакъ.

Йирмея 47:4

О куню фелестинлилернинъ эписине олюм келеджек, Тир ве Сидоннынъ къалгъан ярдымджылары ёкъ этиледжек, РАББИ Къафтор адасында къалгъан фелестинлилерни харап этеджек.