Ешая 14:24 - Мукъаддес Китап

²⁴ Ордуларнынъ РАББИси ант этти: – Не япмагъа ниетленсем – о оладжакъ, не этмеге тюшюнсем – о беджериледжек.

Ешая 14:24 ပူးပေါင်းရင်းမြစ်များ

Башланув 41:32

Тюшнинъ фыравун ичюн эки кере текрарланувы – Алланынъ сёзю акъикъий ве Алла буны тезден япаджагъы демектир.

Эюп акъкъында китап 23:13

О – бирден-бир. Эгер О, бир шей япмагъа истесе, ким Онъа къаршы чыкъаджакъ? Джаны не истесе, оны япар!

Зебур 110:4

Озь аджайип шейлерини унутылмайджакъ этип яратты, РАББИ мераметли ве шефкъатлы!

Зебур 33:10

РАББИден къоркъунъыз, эй, Онынъ азизлери! Ондан къоркъкъан адам ич мухтадж олмаз.

Зебур 92:5

Сенинъ шаатлыкъларынъ пек ишанчлыдыр, Эвинъе эбедий мукъаддеслик яраша, я РАББИ!

Чыкъыш 17:16

ве: – Къолларым РАББИнинъ тахтына тараф котерильгенлери ичюн, РАББИ Амалекке къаршы несильден несильге дженк этеджек, – деди.

Икметли сёзлер 19:21

Адамнынъ юрегинде чокъ ниет бар, лякин РАББИнинъ мурады ерине келир.

Икметли сёзлер 21:30

Адамларнынъ икмети, анълайышы, насиаты – РАББИнинъ огюнде бош шей.

Ешая 10:5

Ашшургъа беля! Оны, таякъны киби, къолумда тутам, ачувымда ве гъазабымда халкъларны джезалайым!

Ешая 19:12

Къайдалар сенинъ акъыллы адамларынъ? Ордуларнынъ РАББИси Мысыр акъкъында насыл къарар чыкъаргъаныны энди санъа айтсынлар, оны эр адам бильсин.

Ешая 19:17

Ехуданынъ топрагъы Мысырны дешетке кетиреджек. Ордуларнынъ РАББИси Мысырнен не япкъаныны хатырлагъан эр кес къоркъудан къалтырайджакъ.

Ешая 55:8

– Меним фикирлерим – сизинъ фикирлеринъиз дегиль, туткъан ёлларынъыз – Меним ёлларым дегиль, – дей РАББИ.

Ешая 55:9

– Амма ер юзюне коре кок не къадар юксек олса, Меним ёлларым да сизинъ ёлларынъызгъа коре, фикирлерим де сизинъкине коре о къадар юксектир!

Йирмея 23:20

Юрегининъ ниетлерини беджермегендже, РАББИнинъ ачувы ятышмаз. Сиз буны сонъки куньлерде ачыкъ анълайджакъсынъыз.

Йирмея 29:11

Мен ниетлеримни ве сизлерге япаджакъларымны билем, – дей РАББИ. – Мен сизге яманлыкъ дегиль де, яхшылыкъ этмеге, келеджек ве ишанч бермеге ниетленем.

Йирмея 44:26

Онынъ ичюн, Мысырда яшагъан эписи ехудалылар, РАББИнинъ сёзюни динъленъиз: Мына, буюк Адымнен ант этем, – дей РАББИ. – Эндиден сонъ бутюн Мысыр топрагъында ич бир ехудалы Адымны айтмайджакъ, «РАББИ-ТААЛЯнен ант этем!» – деп ант этмейджек.

Йирмея 49:20

Шунынъ ичюн Эдом акъкъында РАББИнинъ къарарыны, Теман шеэринде яшагъанлар акъкъында ниетини эшитинъиз! Керчектен де, къой-эчкилернинъ энъ уфакъларыны да хырсызлайджакъ, яшагъан ерлерини бом-бош къалдыраджакълар.

Йирмея 50:45

Шунынъ ичюн Вавилон акъкъында РАББИнинъ къарарыны, къасдийлилернинъ топрагъы акъкъында ниетини эшитинъиз! Керчектен де, къой-эчкилернинъ энъ уфакъларыны да хырсызлайджакъ, яшагъан ерлерини бом-бош къалдыраджакълар.

Агълав йырлары 3:37

Рабби буюрмаса, адам бир шей айтып, беджерирми?

Ехезкель 12:25

Энди Мен, РАББИ, айтаджагъым, эм де Меним сёзлерим кечикмейип ерине келеджектир. Исьянджы халкъ, сизинъ куньлеринъизде эр бир айткъан сёзюмни ерине кетиреджегим! Бойле дей РАББИ-ТААЛЯ».

Ехезкель 39:4

Сен Исраиль дагъларында аскерлеринънен ве халкъларынънен берабер йыкъыладжакъсынъ. Мен сени чешит тюрлю кийик айванларгъа ве къушларгъа аш оларакъ береджегим.

Амос 3:6

Шеэрде телюке сигналыны бору чалгъанда, халкъ къоркъмазмы? РАББИнинъ разылыгъы олмайып, бир шеэрнинъ башына беля тюшерми?

Амос 8:7

РАББИ Якъупнынъ шуретинен ант этти: – Керчектен де, онынъ япкъан ишлеринден ич бирини бир вакъыт унутмайджагъым.

Матта 11:25

‌О вакъытта Иса сёзюни девам этти: – Бабам, кок ве ернинъ Раббиси! Шуретлейим Сени, чюнки Сен шуны акъыллылар ве бильгилилер ичюн гизли эттинъ, кучюк балаларгъа исе ачтынъ!

Фаалиет 4:28

Сен Озь къудретинънен ве ираденънен эвельден бельгилеген ишлернинъ эписини беджердилер.

Эфеслилерге 1:9

Алла бизге Озь гизли истегини ачып берди; Озь эйи разылыгъына коре, О, истегини Месихтен беджермеге эвельден акъылына къойды.

Еудийлерге 4:3

Лякин эгер биз инансакъ, раатлыкъ ерине кирермиз. Инанмагъанлар акъкъында исе Алла бойле деген: «Мен гъазапланып, ант эттим: “Олар мытлакъа Меним раатлыкъ ериме кирмейджеклер”». Дюнья яратылгъандан берли Алла бутюн ишлерини битирди.

Нун огълу Ехошуа 11:20

Олар Исраильнен дженк этсинлер деп, РАББИ Озю оларнынъ юреклерини къаттырды. РАББИ Мусагъа буюргъаны киби, оларны аджымайып ольдюрип ташламакъ, бутюнлей ёкъ этмек керек эди.