Ешая 14:22 - Мукъаддес Китап

²² – Оларгъа къаршы чыкъаджагъым, – дей Ордуларнынъ РАББИси. – Вавилоннынъ намыны ёкъ этеджегим, сагъ къалгъанларны, эвлятларыны ве несиллерини ольдюреджегим, – дей РАББИ.

Ешая 14:22 ပူးပေါင်းရင်းမြစ်များ

3 Падишалар 14:10

Шунынъ ичюн Мен Еровоам эвине белялар ягъдыраджагъым, Исраильде яшагъан Еровоамнынъ союнда эр бир акъайны: къул олсун, азат олсун, – оларнынъ эписини ольдюреджегим. Тезекни насыл бутюнлей якъалар, Мен Еровоамнынъ сюлялесини бутюнлей якъаджагъым.

Зебур 12:6

Мен Сенинъ буюк севгинъе ишанам, Сенден кельген къуртарув ичюн юрегим къувана. РАББИге йыр йырлайджагъым, чюнки О, манъа яхшылыкъ япты!

Икметли сёзлер 10:7

Инсафлы адамны макътавнен хатырларлар, яман адамнынъ ады исе гъайып олур.

Ешая 13:5

Бутюн ер юзюни урып йыкъмакъ ичюн, РАББИ ве гъазабыны ерине кетирген аскерлери узакъ мемлекеттен, коклернинъ уджундан келелер.

Ешая 21:9

Мына, адамлар, чифт-чифт ат устюндеки атлылар келе! Сонъ сесини чыкъарып, бойле деди: – Йыкъылды, Вавилон йыкъылды! Бутюн аллаларынынъ путлары ерге урулып къырылдылар.

Ешая 43:14

РАББИ, сизлерни Сатын Алгъан, Исраильнинъ Азизи бойле дей: – Сизинъ ичюн Вавилонгъа ордуны ёллайджагъым, оларнынъ эписини къачакъ этеджегим, къасдийлилер гемилеринде янгъанларындан къычыраджакълар.

Йирмея 50:3

Шимальден онъа къаршы бир халкъ котерильди, о, онынъ топрагъыны бакъымсыз этеджек, анда не адамлар, не айванлар яшайджакъ, эписи долашып кетеджек.

Нахум 1:14

Санъа исе, Ашшур, РАББИ шуны буюра: – Энди сенинъ адынъны ташыгъан эвлятларынъ олмайджакъ, таштан ве иритильген маденден япылгъан путларны алланънынъ эвинден ёкъ этеджегим, анда санъа къабир япаджагъым, ве сен масхара оладжакъсынъ.