Ешая 13:20 - Мукъаддес Китап

²⁰ Анда бир даа ич кимсе яшамайджакъ, несиллерден несиллерге ич кимсе отурмайджакъ, араплар чадырларыны къоймайджакъ, чобанлар айванларынен раатланмайджакъ.

Ешая 13:20 ပူးပေါင်းရင်းမြစ်များ

2 Тарих вакъиалары 17:11

Фелестинлилер Ехошафаткъа бахшышлар кетире эдилер ве салымны кумюшнен тёлей эдилер. Араплар биле онъа къой-эчкилерни: 7 700 баш къочкъар ве 7 700 текени кетире эдилер.

Эюп акъкъында китап 3:7

О геджеси бир къадын юкке къалмагъайды, шу геджеси шенълик сеслери эшитильмегейди.

Энъ яхшы йыр 1:7

– Эй, гузеллернинъ гузели, бильмесенъ, къойларнынъ изинден кет, чобанларнынъ чадырлары янында улакъларынъны отлат.

Ешая 14:23

– Онынъ топрагъыны кирпилерге береджегим, батакълыкъкъа чевиреджегим, орталыкъны йыкъаджагъым, сипиркинен киби сипиреджегим, – дей Ордуларнынъ РАББИси.

Ешая 21:1

Денъиз ялысындаки сахра акъкъында пейгъамберлик. Негев ериндеки боран киби, о, сахра тарафындан, къоркъунчлы топракътан келе.

Ешая 25:2

Сен шеэрлерни таш обасына чевирдинъ, къавийлештирильген къалелерни йыкътынъ. Ябанджыларнынъ сарайлары шеэрден ёкъ олды; бир даа омюрбилля гъайрыдан къурулмайджакъ.

Ешая 34:17

Олар ичюн РАББИ джереп чекти, къолунен мемлекетни ольчеп, оларгъа пай этти. Олар омюрбилля о топракъкъа саиплик этип, несильден несильгедже анда яшайджакълар.

Йирмея 49:33

Хацор шакъалларнынъ яшагъан ери оладжакъ, эбедий сахрагъа чевириледжек, анда кимсе ерлешмейджек, инсан огълу анда яшамайджакъ.

Йирмея 50:13

РАББИнинъ гъазабындан анда кимсе яшамайджакъ, о, бакъымсыз ерге чевириледжек. Вавилоннынъ янындан кечкен эр кес шашып къаладжакъ, беляларыны корьген сызгъырып аладжакъ.

Йирмея 50:21

Мератаим топрагъына къаршы дженкнен кет, Пекъод адамларыны джезала, оларны ольдюр, артларындан бир шей къалдырма, – дей РАББИ. – Мен санъа бутюн буюргъанларымны беджер.

Йирмея 50:3

Шимальден онъа къаршы бир халкъ котерильди, о, онынъ топрагъыны бакъымсыз этеджек, анда не адамлар, не айванлар яшайджакъ, эписи долашып кетеджек.

Йирмея 50:39

Анда чёль махлюкълары шакъалларнен бирликте, ве девекъушуларнынъ балалары яшайджакъ. Эбедиен ич кимсе анда яшамайджакъ, несильден несильге топракъ адамсыз къаладжакъ.

Йирмея 50:45

Шунынъ ичюн Вавилон акъкъында РАББИнинъ къарарыны, къасдийлилернинъ топрагъы акъкъында ниетини эшитинъиз! Керчектен де, къой-эчкилернинъ энъ уфакъларыны да хырсызлайджакъ, яшагъан ерлерини бом-бош къалдыраджакълар.

Йирмея 51:25

– Мен санъа къаршым, эй, олюм дагъы! – дей РАББИ. – Сен бутюн ерни гъайып эткенинъ ичюн, санъа къаршы къолумны котеририм, сени къаялардан ашагъы авдарырым, якъылгъан бир дагъгъа чевиририм.

Йирмея 51:29

Ер юзю сарсыла ве титрей, РАББИнинъ ниети ерине келе, Вавилон топрагъы бакъымсыз, адамсыз ер оладжакъ.

Йирмея 51:37

Вавилон таш обасы, шакъалларнынъ ювасы оладжакъ, бакъымсыз ве адамсыз къаладжакъ, къоркъунчлы шейге чевириледжек.

Йирмея 51:43

Шеэрлери бакъымсыз къалды, сувсуз топракъкъа, бош чёльге, адамсыз ерге чевирильди; инсанлар ондан кечмейджек.