Ешая 11:6 - Мукъаддес Китап

⁶ О заман къашкъырнен къозу берабер яшайджакъ, леопарднен улакъ бир ерде ятаджакъ, яш арслан бузавчыкъ ве семиз айванларнен ян-янаша оладжакъ, уфакъ бир бала оларны бакъаджакъ.

Ешая 11:6 ပူးပေါင်းရင်းမြစ်များ

Эюп акъкъында китап 5:23

Тарладаки ташлар – сенинъ тарафынъда, кийик айванларнен муаббетликте яшайджакъсынъ.

Ешая 2:4

РАББИ миллетлерни суд этеджек ве чокъ халкъларны къабаатлайджакъ. Адамлар къылычларындан сабан тишлерини дёгеджек, мызракъларындан юзюм кесмек ичюн пычакълар япаджакъ. Бир даа халкъ халкъкъа къаршы къылыч котермейджек, энди дженк этмеге огренмейджек.

Ешая 65:25

Къашкъырнен къозу берабер отлайджакъ, арслан, бугъа киби, тобан ашайджакъ, йылан ашайджагъы исе топракъ оладжакъ. Азиз дагъымнынъ ич бир еринде кимсе яманлыкъ этмейджек, зарар кетирмейджек, – дей РАББИ.

Ехезкель 34:25

Мен оларгъа аманлыкъ васиетини береджегим, топракътан яман кийик айванларны ёкъ этеджегим, ве къойларым къоркъмайып, чёллерде яшайджакълар ве орманларда юкълайджакълар.

Хошеа 2:18

О куню Мен кийик айванларгъа, коктеки къушларгъа, ер юзюндеки махлюкъларгъа халкъымнен муаббет яшамагъа буюраджагъым. Мен о мемлекеттен эм яйны, эм къылычны, эм дженкни узакълаштыраджагъым, оларгъа раат яшамагъа береджегим.

Римлилерге 14:17

Алланынъ Падишалыгъында ашагъанымыз ве ичкенимиз муим дегиль, Мукъаддес Рухкъа толып, инсафлы яшайышнен муаббетликте ве къуванчнен яшагъанымыз муимдир.