Ешая 10:29 - Мукъаддес Китап

²⁹ Озенни кечтилер, Гевада геджеледилер. Рама шеэри къоркъудан къалтырады, Шаулнынъ Гива шеэринде яшагъанлар къачты.

Ешая 10:29 ပူးပေါင်းရင်းမြစ်များ

3 Падишалар 15:23

Асанынъ башкъа эписи ишлери, онынъ къараманлыгъы, эписи япкъанлары ве къургъан шеэрлери акъкъында Ехуда падишаларынынъ тарихы китабында язылгъандыр. Аса къартайгъанындан сонъ, аякълары агъыра башлады.

Йирмея 31:15

РАББИ бойле дей: – Рама шеэринде бир сес эшитиле, агълав ве аджджы къыямет! Балалары артындан Рахель агълай, тынчланмагъа истемей; онынъ балалары ёкъ энди!

Хошеа 10:9

Эй, Исраиль, Гива куньлеринъден башлап, сен чокъ гуна яптынъ. Ойле де къалдынъ. Амма Гивада гунакярларгъа къаршы дженк башларына тюшмедими?

Хошеа 5:8

Гива шеэринде бору чалынъыз, Рама шеэринде боразан чалынъыз, Бет-Авенде дженкке чагъырынъыз: «Огге, Биньямин! Биз артынъдан кетемиз!»

Хошеа 9:9

Олар чокъ бозулды, Гивада олгъаны киби, харап олды. Оларнынъ къабаатлары Алланынъ акълына келеджек, гуналары ичюн О, джезалайджакъ.

Нун огълу Ехошуа 21:17

Биньяминнинъ къабилесинден: Гивон шеэри этрафындаки отлакъларнен берабер, Гева шеэри этрафындаки отлакъларнен берабер,

1 Падишалар 10:26

Шаул Гивагъа, озь эвине кетти; онынънен берабер юреклеринде Алласы олгъан джесюрлер кетти.

1 Падишалар 11:4

Эльчилер Шаул яшагъан Гивагъа келип, халкъкъа эр шейни айтып бердилер. Бутюн халкъ яйгъара котерип агълады.

1 Падишалар 13:16

Ёнатан адлы огълунен ве янында олгъан адамларнен Биньяминнинъ Гевасында ерлештилер. Фелестинлилернинъ ордусы исе Микмаста ерлешкен эди.

1 Падишалар 13:2

Микмаста ве Бет-Эль дагъында Шаулнен берабер 2 000 адам, Биньямин топракъларында олгъан Гивада Ёнатаннен берабер даа 1 000 адам бар эди. Къалгъанларны исе о, озь эвлерине йиберди.

1 Падишалар 13:23

Фелестинлилернинъ бир болюги Микмаснынъ кечювине кетти.

1 Падишалар 14:2

Шаул шу вакъыт Гиванынъ четинде, Мигрондаки нар терегининъ тюбюнде эди. Онынънен берабер 600 адам бар эди.

1 Падишалар 14:4

Фелестинлилернинъ отрядына якъынлашмакъ ичюн, Ёнатангъа бир кечюв ёлуны алмакъ керек эди, онда бир тарафта къая, экинджи тарафта да къая бар эди. Бирисининъ ады Парылдагъан, экинджисининъ ады Когемли эди.

1 Падишалар 14:5

Бир къая шимальден Микмас тарафкъа, экинджиси дженюптен Гевагъа бакъа эди.

1 Падишалар 15:34

Сонъ Смаил Рамагъа къайтты, Шаул исе озь эвине, Шаулнынъ Гивасына кетти.

1 Падишалар 7:17

Амма эр вакъыт о, Рамагъа къайта ве исраиллилерге анда ёлбашчылыкъ эте эди. Анда онынъ эви бар эди, ве анда о, РАББИге къурбан ерини къурды.