Ешая 10:26 - Мукъаддес Китап

²⁶ Цур-Оревде мидьянлыларны ургъаны киби, Ордуларнынъ РАББИси Ашшурны да къамчынен ураджакъ. Мысырда япкъаны киби, О, буюк сувлар устюнден таягъыны котереджек.

Ешая 10:26 ပူးပေါင်းရင်းမြစ်များ

4 Падишалар 19:35

Шу геджеси Алланынъ Мелеги келип, Ашшур ордусынынъ 185 000 аскерини къырды. Адамлар саба турып, бутюн аскерлер олип-серилип яткъанларыны корьди.

Зебур 83:11

Сарайынънынъ азбарында кечкен бир кунь башкъа бинъ куньден яхшыдыр! Ярамайларнынъ чадырларында яшагъанымдан Алла Сарайынынъ босагъасы янында тургъаным яхшыдыр!

Чыкъыш 14:16

– Сен исе, таягъынъны котерип, къолунъны денъизге тараф узатып, оны экиге боль. Исраиллилер денъизнинъ ортасында олгъан топракъ устюнден кечерлер.

Ешая 10:24

Шунынъ ичюн Ордуларнынъ РАББИ-ТААЛЯсы бойле дей: – Эй, Сионда яшагъан халкъым! Ашшурдан къоркъманъыз! О, эвельден Мысыр киби, сени таякънен урар, сопасыны санъа къаршы котерир.

Ешая 11:16

О заман, исраиллилер Мысырдан чыкъкъан вакъытта киби, Раббининъ сагъ къалгъан халкъы Ашшурдан кениш ёлдан келеджеклер.

Ешая 30:30

РАББИ шуретли сесинен гудюрдейджек, буюк ачувнен къолуны котерип, къудретини косьтереджек, йыкъыджы атешни, дешетли боранны, ягъмурны ве ташлы бурчакъны ёллайджакъ.

Ешая 30:31

РАББИнинъ сесинден Ашшур къалтырайджакъ, таякънен уруладжакъ.

Ешая 30:32

РАББИ оны джезалап, таякънен ургъанда, даре ве сантырны чаладжакъ, эр шейни ёкъ этип, онъа къаршы дженк этеджек.

Ешая 9:3

Я РАББИ, Сен халкъны чокълаштырдынъ, оларгъа буюк къуванч багъышладынъ. Берекет джыйгъан заманда киби, алынгъан гъаниметнен пайлашкъан вакъытта киби, халкъ Сенинъ огюнъде къувана.

Ешая 9:4

Мидьян йыкъылгъан куню киби, халкъкъа агъырлыкъ эткен боюндырыкъны ёкъ эттинъ, омузларыны ургъан сопаны ве залымнынъ таягъыны Сен къырдынъ.

Сырларнынъ ачылувы 11:18

Халкълар гъазапланды, Сенинъ де гъазабынъ чыкъты. Олюлерни суд этмек вакъты кельди, Сенинъ къулларынъа, пейгъамберлерге ве азизлерге, эм де Сенден къоркъкъан буюклерге ве кичиклерге озь акъларыны бермек вакъты кельди. Ер юзюни харап эткенлерни ёкъ этмек вакъты да кельди!

Сырларнынъ ачылувы 19:15

Онынъ агъзындан бир кескин къылыч чыкъып тура; онен О, халкъларны ура. Демир таягъынен О, оларгъа падишалыкъ япа, Къудретли Алланынъ атешли гъазабыны душманларынынъ башларына тюшюре. Юзюм сыкъкъан ерден чыкъкъан шарап киби, оларнынъ устюне гъазабы акъа.

Къадылар 7:25

Мидьянлыларнынъ эки ёлбашчысыны – Орев ве Зеевни якъаладылар. Оревни Цур-Оревде, Зеевни исе Екев-Зеев еринде ольдюрдилер. Исраиллилер мидьянлыларны къуваладылар. Гидонгъа исе Иорданнынъ артындан Орев ве Зеевнинъ башларыны кетирдилер.