Ешая 1:10 - Мукъаддес Китап

¹⁰ Эй, «Содом башлыкълары»! РАББИнинъ сёзюни динъленъиз! Эй, «Гомора халкъы»! Алламызнынъ Къанунына къулакъ асынъыз!

Ешая 1:10 ပူးပေါင်းရင်းမြစ်များ

Башланув 13:13

Содом сакинлери исе пек къара юрекли адамлар эдилер. Олар РАББИнинъ козьлеринде чокъ гуна къазана эдилер.

Ешая 28:14

Эй, мыскъылджылар, Ерусалимдеки халкъкъа падишалыкъ эткенлер! РАББИнинъ сёзюни динъленъиз!

Ешая 3:9

Бетлерининъ сымалары оларгъа къаршы шаатлыкъ эте; олар гуналары акъкъында ачыкъ айталар, Содом халкъы киби, гизлемейлер! Вай, джанларына беля! Бу яманлыкъны башларына озьлери тюшюрдилер!

Ешая 30:9

Бу халкъ инаттыр, яланджы балалардыр, РАББИнинъ Къанунына бойсунмагъа истемейлер.

Ешая 33:22

РАББИ – бизим Суд Этиджимиз, РАББИ – Къанун Бериджимиз, РАББИ – бизим Падишамыз, О – бизим Къуртарыджымыз!

Ешая 8:20

Къанунда ве Алланынъ сёзлеринде догърусыны къыдырынъыз. Эгер адамлар буларгъа коре айтмасалар, оларда ярыкъ ёкътыр!

Йирмея 23:14

Ерусалим пейгъамберлери арасында да къоркъунчлы шейни корьдим: ороспулыкъ этелер, яланнен яшайлар, яманлыкъ эткенлерге къол туталар, кимсе яманлыгъындан къайтмай. Меним ичюн эписи – Содом киби, шеэрнинъ халкъы – Гомора киби олды.

Йирмея 9:26

– Мысырлыларны, ехудалыларны, эдомлыларны, аммонлыларны, моавлыларны, сахрада яшагъан, зулюфлерни тыраш эткенлернинъ эписини джезалайджагъым. Бутюн бу халкълар сюннетсиздир, бутюн Исраиль халкъынынъ юреги исе сюннет олмагъандыр.

Ехезкель 13:2

– Инсан огълу! Исраильнинъ пейгъамберлик япкъан пейгъамберлерине къаршы пейгъамберлик яп, озьлери тюшюнип чыкъаргъан шейлерни пейгъамберлик сайгъан пейгъамберлерге: «РАББИнинъ сёзюни динъленъиз! – айт.

Ехезкель 16:35

Шунынъ ичюн, эй, ороспу, РАББИнинъ сёзюни динъле!

Ехезкель 16:46

Сенинъ татанъ Самарие шеэри сенден шимальде къызларынен яшады. Сенинъ къызкъардашынъ Содом шеэри сенден дженюпте къызларынен яшады.

Ехезкель 16:49

Къызкъардашынъ Содомнынъ къабааты шунда эди: о ве онынъ къызлары юкселип, эр шейнинъ боллугъында ве раатлыкъ-тынчлыкъта яшай эди, лякин фукъарелерге ве ёкъсулларгъа ярдым этмей эдилер.

Амос 3:1

Эй, Исраиль огъуллары, бу сёзлерни динъленъиз! РАББИ сизге, Мысырдан чыкъаргъан бутюн халкъкъа шойле дей:

Амос 3:8

Арслан окюрсе, ким титремез? РАББИ-ТААЛЯ айтса, ким пейгъамберлик этмез?

Амос 9:7

– Эй, Исраиль огъуллары, сиз Меним ичюн хушлулар киби дегильмисиз? – дей РАББИ. – Мен исраиллилерни – Мысыр мемлекетинден, фелестинлилерни – Къафтор адасындан, арамлыларны – Кир шеэринден алып чыкъардым!

Микъа 3:1

Мен бойле дедим: – Якъуп огъуллары ве Исраиль эвининъ башлыкълары! Динъленъиз! Сизге догърусыны бильмеге керекми?

Римлилерге 9:29

Ешая пейгъамберлик япкъаны киби: Ордуларнынъ РАББИси базыларымызны сагъ къалдырмагъан олса, биз де Содом киби олып, Гоморагъа ошар эдик.

Къануннынъ текрары 32:32

Оларнынъ юзюм пытакълары – Содом чубугъындан, юзюми – Гоморанынъ тарлаларындандыр. Юзюм данелери зеэр тёкелер, салкъымлары аджджы оть шырасы кибидир.

Сырларнынъ ачылувы 11:8

Оларнынъ джесетлери буюк шеэрнинъ мейданына ташланаджакълар. Шеэрнинъ ибретли ады «Содом» ве «Мысыр»дыр. Бизим Раббимиз анда хачкъа мыхлангъан эди.