Ехезкель 9:2 - Мукъаддес Китап

² О вакъыт шималий Юкъары Къапу тарафындан келеяткъан алты кишини корьдим. Эр бирисининъ къолунда ёкъ этиджи силясы бар эди. Оларнен берабер даа бир кимсе келе эди, онынъ устюнде кетен урбасы, белинде де кятипнинъ алетлери бар эди. Олар келип, бакъыр къурбан ерининъ янында турдылар.

Ехезкель 9:2 ပူးပေါင်းရင်းမြစ်များ

4 Падишалар 15:35

Лякин ибадет тёпелери ёкъ этильмеди, халкъ ибадет тёпелеринде къурбанлар чалмагъа ве къокъулы отлар якъмагъа девам этти. О, РАББИнинъ Сарайы ичюн Юкъары Къапуны яптырды.

2 Тарих вакъиалары 27:3

О, РАББИнинъ Сарайы ичюн Юкъары Къапуны яптырды ве Офел диварында чокъ шейлер къурды.

2 Тарих вакъиалары 4:1

Сулейман бакъырдан къурбан ерини яптырды. Онынъ узунлыгъы он метр эди, кенълиги де он метр эди. Юксеклиги исе беш метр эди.

Чыкъыш 40:29

Айванларны бутюнлей якъмакъ ичюн къурбан ерини Мескеннинъ, Корюшюв Чадырынынъ къапусы огюне къойды ве, РАББИ онъа эмир эткени киби, онынъ устюнде айван къурбанларыны якъты ве ашлыкъ бахшышларыны кетирди.

Йирмея 1:15

Бакъ, Мен шималь падишалыкъларынынъ бутюн халкъларыны чагъыраджагъым, – дей РАББИ. – Олар келип, Ерусалим къапуларынынъ янында, диварларынынъ чевре-четинде, бутюн Ехуда шеэрлеринде тахтларыны къояджакълар.

Йирмея 25:9

Мен эписи шималь халкъларыны чагъырып, топлайджагъым ве къулума, Вавилон падишасы Невукъаднеццаргъа ёллайджагъым, оларны бу мемлекетке, анда яшагъанларгъа, чевресиндеки бутюн халкъларгъа къаршы алып кетиреджегим ве оларны ёкъ этеджегим. Оларны къоркъунчлы шей этип, масхара этеджегим, ве олар эбедиен харап оладжакълар, – дей РАББИ.

Йирмея 26:10

Ехуда башлыкълары бунынъ акъкъында эшиткен сонъ, падишанынъ сарайындан чыкътылар да, РАББИнинъ Эви янына келип, РАББИ Эвининъ янъы къапуларынынъ янында отурдылар.

Йирмея 4:6

Сионгъа сигнал беринъиз, токътамаздан къачынъыз! Мен шимальден беляны, эр шейни йыкъаджакъ фелякетни алып кетиреджегим.

Ехезкель 10:2

РАББИ кетен урба кийген кишиге шойле деди: – Керувларнынъ тюбюндеки копчеклернинъ арасына кир. Керувларнынъ арасындан янгъан комюрлерни авучларынъа толдур да, шеэрге ат, – деди. Сонъ мен о киши анда киргенини корьдим.

Ехезкель 8:3

О, дерсинъ, элини узатып, мени сачларымдан тутты. Сонъра ель мени ернен кок арасына котерип, Алланынъ руясында мени Ерусалимге, шимальге бакъкъан ич къапусына кетирди. Анда Алланынъ куньджюлигини къозгъагъан пут эйкелининъ ери бар эди.

Ехезкель 9:11

Бундан сонъ устюнде кетен урбасы ве белинде кятип чёльмеги олгъан киши джевапланып: – Сен манъа буюргъанынъны яптым, – деди.

Ехезкель 9:3

Керувнынъ устюнде булунгъан Исраиль Алласынынъ Шурети ондан энди ве Эвнинъ босагъасына кельди. РАББИ кетен урба кийген ве белинде кятип алетлери олгъан кишини чагъырып,

Даниял 10:5

Козьлеримни котерип бакъсам, кетен урбасына кийинген, белине темиз алтындан къушакъ багълангъан бирини корьдим.

Даниял 12:6

Бири озеннинъ о тарафында тургъан кетен урбалы адамдан: – Бу аджайип шейлер не вакъыт битеджек? – деп сорады.

Левийлилер 16:4

Устюне мукъаддес кетен халат кийсин, тюбюнде кетен штан олсун, белини кетен къушакънен багъласын ве кетен чалма сарсын. Бу – мукъаддес урбалардыр. Озю сувнен ювунгъан сонъ, о, оларны кийсин.

Амос 9:1

Мен Раббининъ къурбан ери янында тургъаныны корьдим. О, бойле деди: – Колонналарнынъ башларына ур, къапу башы сарсылсын, тёпеси адамларнынъ башына тюшсюн. Сагъ къалгъанларны исе Мен къылычнен ольдюреджегим. Оларнынъ кимсеси къачып оламайджакъ, къуртулмагъа истегенлери де къуртулмайджакъ.

Сырларнынъ ачылувы 15:6

Еди беляны туткъан еди мелек темиз ве йылтыравукъ кетен урбасыны кийип, кокюсине алтын къушакълар такъып, Сарайдан чыкътылар.