Ехезкель 8:12 - Мукъаддес Китап

¹² РАББИ манъа шойле деди: – Инсан огълу, Исраиль акъсакъаллары къаранлыкъта, чевре-чети оюлып ясалгъан путларнынъ ресимлеринен толу озь одасында не япкъанларыны коресинъми? Олар: «РАББИ бизни корьмей. О, бу мемлекетни ташлап кетти», – дейлер.

Ехезкель 8:12 ပူးပေါင်းရင်းမြစ်များ

4 Падишалар 17:9

Исраиллилер РАББИ олгъан Алласы разы олмагъан шейлерни гизлиден япып башладылар, къаравул къуллелерден башлап, пекитильген шеэрлерге баргъандже, бутюн шеэрлеринде ибадет тёпелери къурдылар.

Зебур 14:1

Я РАББИ, Сенинъ эвинъде ким отураджакъ? Ким мукъаддес дагъынъда яшайджакъ?

Зебур 73:11

Не ичюн къолунъны, кучьлю онъ къолунъны узатмайсынъ? Къойнунъдан къолунъны чыкъар да, ёкъ эт оларны.

Ешая 29:15

Ниетини РАББИден гизлегенлерге, онынъ ичюн чукъурда сакълангъанларгъа беля! Озь ишлерини къаранлыкъта япып: «Бизни ким кореджек? Ишимизни ким биледжек?» – деп тюшюнелер.

Ешая 47:10

Яманлыгъынъа ишандынъ; «Мени кимсе корьмей», – дединъ. Акъылынънен бильгинъ сени ёлдан урды, ичинъден: «Менден башкъасы ёкъ», – дединъ.

Ехезкель 14:1

Исраиль акъсакъалларындан бир къач киши келип, меним огюмде отурдылар.

Ехезкель 20:1

Единджи йылы, бешинджи айынынъ 11-инджи куню Исраиль акъсакъалларынынъ базылары, РАББИнинъ истегини бильмек ичюн, кельдилер ве меним огюмде отурдылар.

Ехезкель 8:11

Оларнынъ огюнде Исраиль халкъындан етмиш акъсакъалы тура эдилер. Оларнынъ ортасында Шафаннынъ огълу Яазанья тура эди. Эр бирининъ элинде къокъулы шейлерни якъмакъ ичюн бирер савут бар эди, ве олардан булут киби къокъулы тютюн котериле эди.

Ехезкель 8:13

Сонъра О кене манъа: – Бакъ, оларнынъ япкъан даа да пис шейлерини кореджексинъ, – деди.

Ехезкель 8:15

РАББИ манъа: – Инсан огълу, буларны коресинъми? Даа да пис шейлерни кореджексинъ, – деди.

Ехезкель 8:17

РАББИ манъа шойле деди: – Инсан огълу, буларнынъ эписини коресинъми? Ехуда халкъы мында япкъан пис шейлери чокътыр. Амма олар бутюн мемлекетни де хорлавларгъа батырдылар, Мени текрар-текрар ачувландыралар. Бакъ, олар Мени мыскъыллайлар.

Ехезкель 9:9

О, манъа джевапланды ве: – Исраиль ве Ехуда халкъынынъ гуналары пек чокъ, къабааты пек буюк. Мемлекет къангъа толды, шеэр акъсызлыкъкъа толудыр. Олар: «РАББИ мемлекетни ташлап кетти. РАББИ ич бир шейни корьмей», – дейлер.

Цефанья 1:12

Шу вакъыт Мен лампатларнен бутюн Ерусалимни гъайретнен бакъып чыкъаджагъым ве шарапнынъ къою тортасына ошагъан къопай адамларны, «РАББИ не яхшылыкъ, не яманлыкъ япар», – юреклеринде айткъанларны джезалайджагъым.

Эфеслилерге 5:12

чюнки оларнынъ гизли япылгъан шу ишлери акъкъында айтмагъа биле айыптыр.

Къануннынъ текрары 27:15

«Агъачтан я да иритильген маденден путны япкъан ве оны гизли ерге къойгъан адамгъа лянет! Устанынъ къолундан чыкъкъан бу шей РАББИнинъ козюнде пистир». Бутюн халкъ джевап берип: «Амин!» – десин.