Ехезкель 8:1 - Мукъаддес Китап

¹ Алтынджы йылы, алтынджы айынынъ бешинджи куню мен эвимде отургъанда, Ехуда акъсакъаллары да огюмде отура эдилер. Апансыздан РАББИ-ТААЛЯнынъ эли манъа тийди.

Ехезкель 8:1 ပူးပေါင်းရင်းမြစ်များ

4 Падишалар 6:32

Эль-Яса исе озь эвинде отура эди. Онынъ янында акъсакъаллар да отура эдилер. Падиша бир адам йиберди, лякин хаберджи кельмезден эвель, Эль-Яса акъсакъалларгъа: – Коресизми? Бу ольдюриджининъ огълу меним башымны алмагъа истей! Бакъынъыз, о хаберджи кельгенде, къапуны къапатынъыз да, оны бойле тутунъыз. Ана онынъ пешинден эфендиси де адымлайджакъ! – деди.

Ехезкель 14:1

Исраиль акъсакъалларындан бир къач киши келип, меним огюмде отурдылар.

Ехезкель 14:4

Сен оларгъа айланып, бойле айт: «РАББИ-ТААЛЯ шойле дей: Исраиллилернинъ бирде-бири юрегинен путларгъа берильсе, ёлдан ургъан ве къабаатлы эткен шейлерни козьлери огюне къойса, сонъра исе пейгъамберге кельсе, Мен, РАББИ, онынъ буюк путперестлиги ичюн оны джезалайджагъым.

Ехезкель 20:1

Единджи йылы, бешинджи айынынъ 11-инджи куню Исраиль акъсакъалларынынъ базылары, РАББИнинъ истегини бильмек ичюн, кельдилер ве меним огюмде отурдылар.

Ехезкель 24:1

Докъузынджы йылы, онунджы айнынъ онунджы куню РАББИ манъа шойле деди:

Ехезкель 26:1

11-инджи йылында, айнынъ биринджи куню РАББИ манъа шойле деди:

Ехезкель 29:1

Онунджы йылы, онунджы айнынъ 12-нджи кунюнде РАББИ манъа шойле деди:

Ехезкель 29:17

27-нджи йылы, биринджи айнынъ биринджи кунюнде РАББИ манъа шойле деди:

Ехезкель 3:12

Бундан сонъ ель мени котерди, ве РАББИнинъ Шурети еринден котерилеяткъанда, мен дешетли зельзеленинъ сесини эшиттим,

Ехезкель 3:14

Ель мени юкъарыгъа котерип, алып кетти. Мен къасевет ве ачувнен кеттим. РАББИнинъ кучьлю къолу устюмде эди.

Ехезкель 3:22

Мен анда олгъанда, РАББИнинъ къолу меним устюмде эди. О, манъа: – Тур да, вадийге чыкъ. Анда Мен сеннен лаф этеджегим, – деди.

Ехезкель 30:20

11-инджи йылы, биринджи айынынъ единджи кунюнде РАББИ манъа шойле деди:

Ехезкель 31:1

11-инджи йылы, учюнджи айынынъ биринджи кунюнде РАББИ манъа шойле деди:

Ехезкель 32:1

12-нджи йылы, 12-нджи айнынъ биринджи кунюнде РАББИ манъа шойле деди:

Ехезкель 32:17

12-нджи йылы, айнынъ 15-инджи кунюнде РАББИ манъа шойле деди:

Ехезкель 33:22

Амма къачып къуртулгъан адамнынъ кельмесинден эвель акъшам РАББИнинъ къолу устюмде эди, ве О, саба къачакънынъ кельмесинден эвель тилимни чезди. Меним тилим чезильди, ве мен айтып башладым.

Ехезкель 33:31

Меним халкъым сюрю-сюрю санъа келе, сенинъ огюнъде отурып, сёзлеринъни динълей, амма оларны беджермей. Олар тек беден истеклери акъкъында лаф этелер, тек озь файдасы ичюн иш япалар.

Ехезкель 37:1

РАББИнинъ къолу меним устюмде эди. О, мени Озь Рухунен тышары чыкъарды ве вадийнинъ ортасына къойды. Вадий кемиклерге толу эди.

Ехезкель 40:1

Сюргюн этильгенимизден сонъ 25-инджи йылында, йылнынъ башында, айнынъ онунджы куню, Ерусалим шеэри йыкъылгъандан сонъ 14-юнджи йылында, тамам шу куню РАББИнинъ къолу устюмде эди. О, мени анда кетирди.

Ехезкель 7:27

Падиша яс тутаджакъ, мырзаларны къоркъу басаджакъ, мемлекет халкъынынъ эллери титрейджек. Мен оларны япкъан ишлерине коре джезалайджагъым, суд эткенлерине коре оларны суд этеджегим. О заман Мен РАББИ олгъанымны билирлер.

Ехезкель 8:2

Мен бакъып, адамгъа ошагъан бир кимсени корьдим. Белине ошагъан ерден ашагъы о, атешке бенъзей эди, бельден юкъары исе сары хашмал ташы киби йылтырай эди.

Малакий 2:7

Руханий Ордулар РАББИсининъ хаберджиси олгъаны ичюн, онынъ дудакълары бильгини сакъламакъ керек, адамлар онынъ агъзындан къанун къыдырмакъ кереклер.

Фаалиет 20:33

Мен ич кимсенинъ кумюш-алтыныны я да урбасыны истемей эдим.