Ехезкель 41:2 - Мукъаддес Китап

² Киришнинъ кенълиги беш метр эди, киришнинъ диварлары эр тарафтан эки бучукъ метр эди. Адам Сарайны ольчеди, ве о, йигирми метр узунлыкъта ве он метр кенъликте чыкъты.

Ехезкель 41:2 ပူးပေါင်းရင်းမြစ်များ

3 Падишалар 6:17

Сарайнынъ Буюк Одасы йигирми метр узунлыгъында эди.

3 Падишалар 6:2

Сулейман РАББИге къургъан Сарайнынъ узунлыгъы – 30 метр, кенълиги – 10 метр ве юксеклиги – 15 метр эди.

2 Тарих вакъиалары 29:7

Олар Эйваннынъ къапусыны къапаттылар, къандиллерни сёндюрдилер, Исраиль Алласынынъ Азиз Еринде къокъулы отлар якъмадылар ве бутюнлей якъыладжакъ къурбанлар кетирмедилер.

2 Тарих вакъиалары 3:3

Алланынъ Сарайыны къургъанда, Сулейман бойле ольчюде темель къойды: эвнинъ узунлыгъы, эски ольчюге коре, 30 метр, кенълиги исе 10 метр олды.

2 Тарих вакъиалары 3:7

Сулейман бутюн Сарайны: таван агъачыны, босагъаларыны, диварларыны ве къапуларыны алтыннен къаплады ве диварларда Керувларны ойып япты.

Чыкъыш 26:36

Мескеннинъ къапусы ичюн мор, мавылы къырмызы, ачыкъ къырмызы юньден ве индже ишленген кетенден нагъышлангъан перде яп.

Чыкъыш 36:37

Мескеннинъ къапусы ичюн мор, мавылы къырмызы, ачыкъ къырмызы юньден ве индже ишленген кетенден нагъышлангъан перде япты.

Ехезкель 47:1

Бундан сонъра адам мени арткъа, Эвнинъ киришине алып кельди. Мен Эвнинъ босагъасындан куньдогъуш тарафына акъкъан сувларны корьдим. Эв куньдогъушкъа бакъа эди, ве сувлар онынъ сагъ тарафындан, къурбан ерининъ дженюбинден ашагъы акъып чыкъа эди.

Юхан 10:7

Шу себептен Иса кене шай деди: – Сизге керчектен догърусыны айтам: Мен – къойларнынъ къапусы олам.

Юхан 10:9

Мен – къапудырым. Ким Менден кирсе, къуртарыладжакъ. Кирип чыкъып, озюне отлакъ да тападжакъ.