Ехезкель 41:16 - Мукъаддес Китап

¹⁶ босагъалар, пенджереге бенъзеген долафлар, бинанынъ этрафындаки учь къатлы галереялар табандан башлап, пенджереге бенъзеген долафларгъа къадар эр шей агъачнен къаплангъан эди. Дивардаки пенджерелерге ошагъан долафлар да агъачнен къаплангъан эди.

Ехезкель 41:16 ပူးပေါင်းရင်းမြစ်များ

3 Падишалар 6:15

Сулейман Сарайнынъ диварларыны ичинден кедр тахталарынен къаплады. Ичерисини табандан тавангъадже кедр тахталарынен къаплады, табанына кипарис агъачларыны тёшеди.

3 Падишалар 6:4

Эвнинъ тышындан къапалы пенджерелерини яптырды.

2 Тарих вакъиалары 3:5

Сарайнынъ Буюк Одасыны кипарис агъачларынен ве сонъра яхшы алтыннен къаплады, алтыннынъ устюнде пальма тереклери ве зынджырчыкълар япты.

Ешая 6:4

Оларнынъ къычырувындан къапуларнынъ темеллери сарсылды, ве Эв тютюнге толды.

Ехезкель 10:18

РАББИнинъ Шурети Эвнинъ босагъасындан кетип, Керувларнынъ устюнде токъталды.

Ехезкель 40:16

Къаравул одаларынынъ тышкъы диварларында, одаларнынъ арасындаки диварларда ве аятнынъ эр тарафында да пенджереге бенъзеген долафлар бар эди. Одаларны больген ве аяткъа бакъкъан торецлер пальма тереклерининъ ресимлеринен безетильген эди.

Ехезкель 40:25

Аятнынъ эр янында чевре-четинде, башкъа къапуларнынъ янында олгъаны киби пенджереге бенъзеген долафлар бар эди. Аятнынъ узунлыгъы 25 метр, кенълиги 12,5 метр эди.

Ехезкель 40:6

Сонъ о, куньдогъуш тарафына чыкъкъан къапугъа кетти. Къапугъа басамакълардан котерилип, ольчю таягъынен къапу босагъасынынъ кенълигини ольчеди. Босагъанынъ кенълиги бир ольчю таягъынынъ узунлыгъында эди.

Ехезкель 41:15

Сонъ адам Сарайнынъ артында олгъан ве азбаргъа бакъкъан бинанынъ ве эки тарафындаки галереянынъ узунлыгъыны ольчеди. 50 метр чыкъты. Азиз Ернинъ ичи, азбаргъа бакъкъан аят,

Ехезкель 41:17

Сарайнынъ ички ве тышкъы къапуларнынъ устюне къадар эр шей агъачнен къаплы эди. Сарайнынъ ичиндеки ве тышындаки бутюн диварлар оймаларнен:

Ехезкель 42:3

Бу бина ички азбарнынъ он метр узунлыгъындаки мейданнынъ ве тышкъы азбарнынъ таш темелининъ арасында ерлеше эди. О, учь къатлы эди, онынъ галереялары бир-бири устюнде ерлешкен эди.

Хагъгъай 1:4

– Бу Эв йыкъылып яткъанда, сиз гузель эвлерде яшагъанынъыз яхшымы?

1 Коринтлилерге 13:12

Шимди биз эр шейни бунарлы кузьгюде киби коремиз, амма о вакъытта бет-бетке кореджекмиз. Шимди мен къысмен билем, амма о вакъытта Алла мени бильгени киби, озюм ойле де биледжегим.