Ехезкель 41:1 - Мукъаддес Китап

¹ Адам мени Сарайнынъ ичине кетирип, анда алып баргъан къапунынъ торецлерини ольчеди. Торецлернинъ кенълиги эр тарафтан учь метр эди. Эр торецнинъ кенълиги учь метр эди.

Ехезкель 41:1 ပူးပေါင်းရင်းမြစ်များ

3 Падишалар 6:1

Исраиль огъуллары Мысыр топрагъандан 480 йыл кечкенинден сонъра, Сулейманнынъ Исраильде падишалыгъынынъ дёртюнджи йылы, йылнынъ экинджи Зив айында, Сулейман РАББИге Сарай къурып башлады.

3 Падишалар 6:2

Сулейман РАББИге къургъан Сарайнынъ узунлыгъы – 30 метр, кенълиги – 10 метр ве юксеклиги – 15 метр эди.

Ехезкель 40:17

Адам мени тышкъы азбаргъа алып кирди. Анда одалар бар эди. Ерден юкъары япылгъан таш темелинде азбарнынъ этрафында 30 ода ерлеше эди.

Ехезкель 40:9

Сонъ о, къапу янындаки аятны ольчеди. О, дёрт метр эди, торецлернинъ кенълиги бирер метр эди. Къапу янындаки аят ичте эди.

Ехезкель 41:21

Сарай къапуларынынъ черчивелери дёрт коше эди. Азиз Ернинъ огюнде бир шей бар эди,

Ехезкель 41:23

Эм Сарайнынъ, эм Азиз Ернинъ къапусы эки къанатлы эди.

Ехезкель 41:3

Сонъра адам ички оданынъ ичине кирди ве киришнинъ торецлерини ольчеди. Торецлернинъ эр бири бир метр кенълигинде эди. Кириш учь метр кенълигинде эди, эки тарафта диварларнынъ ольчюси учь бучукъ метр эди.

Ехезкель 42:1

Сонъра адам мени шималь къапудан тышкъы азбаргъа алып кельди. Сарайнынъ ве шимальдеки тышкъы диварнынъ къаршысындаки одаларгъа кетирди.

1 Пётр 2:5

Озьлеринъизден, тири ташлардан киби, Алла рухий бинаны къура. Сонъ сиз, азиз руханийлер олып, Иса Месихнинъ ярдымынен Аллагъа хош кельген рухий къурбанларны кетиреджексинъиз.

Сырларнынъ ачылувы 21:15

Меннен лаф эткен мелекнинъ къолунда алтын бир ольчю таягъы бар эди, шеэрни, онынъ араба къапулары ве диварыны ольчемек керек эди.

Сырларнынъ ачылувы 21:3

Мен тахттан кельген кучьлю бир сесни эшиттим, о бойле деди: – Энди Алланынъ мекяны адамларнынъ арасында оладжакъ, Алла адамларнен берабер яшайджакъ. Олар Алланынъ халкъы оладжакъ, ве Алла Озю, оларнынъ Алласы, оларнынъ арасында булунаджакъ.

Сырларнынъ ачылувы 3:12

Енъеджек адамны Мен Алламнынъ Сарайында, къавий колонна киби, ерлештиреджегим, ве о, шу ерден тыш чыкъмайджакъ. Онынъ устюне Мен Алламнынъ Адыны, Алла шеэрининъ адыны – Алламдан коклерден энеджек янъы Ерусалимнинъ адыны, ве Меним янъы Адымны да язарым.