Ехезкель 40:6 - Мукъаддес Китап

⁶ Сонъ о, куньдогъуш тарафына чыкъкъан къапугъа кетти. Къапугъа басамакълардан котерилип, ольчю таягъынен къапу босагъасынынъ кенълигини ольчеди. Босагъанынъ кенълиги бир ольчю таягъынынъ узунлыгъында эди.

Ехезкель 40:6 ပူးပေါင်းရင်းမြစ်များ

3 Падишалар 6:8

Орта къатнынъ кириши Сарайнынъ дженюбий тарафында эди. Айланчыкъ бир мердивенден башта орта къаткъа, андан юкъары къаткъа чыкъа эдилер.

1 Тарих вакъиалары 9:18

Олар бугуньге къадар падиша сарайынынъ шаркъ къапусыны къаравуллайлар. Олар Левий огъулларынынъ ордусынынъ къапуджылары эдилер.

1 Тарих вакъиалары 9:24

Къапуджылар дёрт тарафта – шаркъ, гъарп, шималь ве дженюп тарафта къаравул тура эдилер.

Нехемья 3:29

Олардан сонъ Иммернинъ огълу Цадокъ озь эвининъ къаршысындаки олгъан диварнынъ къысмыны тюзетти. Ондан сонъ Шекъаньянынъ огълу Шемая диварны тюзете эди. О, Шаркъий Къапунынъ къаравулы эди.

Зебур 84:10

Акъикъатен, Алладан къоркъкъанларгъа къуртулыш пек якъындыр, бизим топрагъымызда шурети битмесин!

Йирмея 19:2

ве Чамур Череплернинъ Къапусына якъын Бен-Хинном вадийине бар. Анда санъа айтаджакъ сёзлеримни къычырып айт:

Ехезкель 10:18

РАББИнинъ Шурети Эвнинъ босагъасындан кетип, Керувларнынъ устюнде токъталды.

Ехезкель 11:1

Рух мени юкъарыгъа котерип, РАББИнинъ Эвине, куньдогъушкъа бакъкъан шаркъ къапусына кетирди. Къапунынъ киришинде 25 киши бар эди. Оларнынъ арасында халкънынъ ёлбашчылары олгъан Аззурнынъ огълу Яазаньяны ве Бенаянынъ огълу Пелатьяны корьдим.

Ехезкель 40:20

Сонъра о, тышкъы азбарнынъ шимальге бакъкъан къапусынынъ узунлыгъыны ве кенълигини ольчеди.

Ехезкель 40:22

Эм оларнынъ пенджереге бенъзеген долафлар, эм аят, эм пальмаларнынъ ресимлери куньдогъушкъа бакъкъан къапунен айны эди. Къапугъа еди басамакъ котериле эди, ве аят оларнынъ огюнде эди.

Ехезкель 40:24

Сонъра адам мени дженюп тарафкъа, дженюп къапусына алып барды. О, торецлерни ве аятны ольчеди. Оларнынъ ольчюси башкъаларынен айны эди.

Ехезкель 40:26

Къапугъа еди басамакъ котериле эди, ве аят оларнынъ огюнде эди. Торецлерде бирер пальма тереклерининъ ресими бар эди.

Ехезкель 40:5

Мен Сарайнынъ чевре-четиндеки диварны корьдим, дивар оны эр тарафтан сара эди. Адамнынъ къолунда учь бучукъ метр узунлыгъында ольчю таягъы бар эди. Адам диварны ольчеди. Диварнынъ къалынлыгъы бир ольчю таягъы, юксеклиги де бир ольчю таягъы эди.

Ехезкель 40:7

Къаравул одаларынынъ эр бирининъ узунлыгъы ве кенълиги бир ольчю таягъы эди. Одаларнынъ арасындаки диварларнынъ къалынлыгъы эки бучукъ метр эди. Аят янындаки къапунынъ босагъасы ички тарафтан бир ольчю таягъы кенълигинде эди.

Ехезкель 41:16

босагъалар, пенджереге бенъзеген долафлар, бинанынъ этрафындаки учь къатлы галереялар табандан башлап, пенджереге бенъзеген долафларгъа къадар эр шей агъачнен къаплангъан эди. Дивардаки пенджерелерге ошагъан долафлар да агъачнен къаплангъан эди.

Ехезкель 42:15

Адам Сарайнынъ ичини ольчеп битирген сонъ, мени куньдогъуш къапусындан тышкъа алып чыкъты ве диварнынъ узунлыгъыны ольчеп башлады.

Ехезкель 43:1

Сонъра адам мени куньдогъуш къапусына алып кетирди.

Ехезкель 43:17

Оджакъ тургъан мейданчыкъ да дёрткошели, еди метр узунлыкъта ве еди метр кенъликте. Чевресинде – черик метр кенъликте кенарлыкъ. Кенарлыкъ бутюн чевре боюнджа ярым метр теренликте улукъны япа. Онынъ шаркъ тарафындан басамакълар котериле.

Ехезкель 43:8

Олар босагъаларыны Меним босагъам янына къурдылар, къапуларынынъ первазыны Меним къапум первазынынъ янына ерлештирдилер. Меннен оларнынъ арамызда тек бир дивар бар эди. Олар озьлерининъ япкъан писликлеринен Меним мукъаддес Адымны арам эттилер. Шунынъ ичюн ачувымда Мен оларны ёкъ эттим.

Ехезкель 44:1

Бундан сонъ шу киши мени арткъа, Сарайнынъ шаркъ тарафындаки тышкъы къапугъа алып кельди. Къапу къапалы эди.

Ехезкель 46:12

Эгер ёлбашчы озь истегинен РАББИге бутюнлей якъыладжакъ я да аманлыкъ къурбанларыны кетиреджек олса, онъа шаркъ къапусыны ачсынлар. О, раатлыкъ куню япкъаны киби, озь бутюнлей якъыладжакъ ве аманлыкъ къурбаныны берсин, сонъра чыкъып кетсин, къапу исе онынъ артындан къапатылсын.

Ехезкель 47:1

Бундан сонъра адам мени арткъа, Эвнинъ киришине алып кельди. Мен Эвнинъ босагъасындан куньдогъуш тарафына акъкъан сувларны корьдим. Эв куньдогъушкъа бакъа эди, ве сувлар онынъ сагъ тарафындан, къурбан ерининъ дженюбинден ашагъы акъып чыкъа эди.

Ехезкель 8:16

Сонъра О мени РАББИ Эвининъ ичери азбарына киргизди. Анда, РАББИнинъ Сарайы киришинде, Эйван ве къурбан ерининъ арасында 25-ке якъын акъай тура эди. Олар РАББИнинъ Сарайына аркъасыны айландырып, бетлерини куньдогъуш тарафына чевирип, кунешке ибадет эте эдилер.