Ехезкель 40:3 - Мукъаддес Китап

³ Алла мени анда кетирди. Шу ерде корюниши тунчкъа ошагъан бир адамны корьдим. Шу адам къапунынъ киришинде тура эди, къолунда кетен аркъан ве бир ольчю таягъы бар эди.

Ехезкель 40:3 ပူးပေါင်းရင်းမြစ်များ

Ешая 28:17

Ольчю йипинен ольчеген дайын, адалетнен суд этеджегим, акъикъатны догърулыкънен ольчейджегим. Ялан булунгъан ерни бурчакъ урып ёкъ этеджек, сакълангъан ерлерни сув басаджакъ.

Ешая 8:20

Къанунда ве Алланынъ сёзлеринде догърусыны къыдырынъыз. Эгер адамлар буларгъа коре айтмасалар, оларда ярыкъ ёкътыр!

Ехезкель 1:27

Корьдим ки, о, бельге ошагъан ерден юкъары сары хашмал ташы киби эди, онынъ ичинде ве тышында атеш янгъан киби эди. Бельге ошагъан ерден ашагъы исе атеш киби бир шей корьдим. Онынъ чевре-чети парылдай эди,

Ехезкель 1:7

Аякълары дос-догъру, табанлары – бузавнынъ туякълары киби олып, йылтырагъан бакъыр дайын парылдай эди.

Ехезкель 41:1

Адам мени Сарайнынъ ичине кетирип, анда алып баргъан къапунынъ торецлерини ольчеди. Торецлернинъ кенълиги эр тарафтан учь метр эди. Эр торецнинъ кенълиги учь метр эди.

Ехезкель 42:16

О, куньдогъуш тарафыны озь ольчю таягъынен ольчеди. О, 250 метр эди.

Ехезкель 43:6

О вакъыт Сарайнынъ ичинден меннен лаф эткен сесни эшиттим. Сарайны ольчеген исе янымда тура эди.

Ехезкель 47:3

Адам куньдогъуш тарафына кетти, онынъ къолунда ольчю аркъаны бар эди. О, 500 метр ольчеди, сонъ мени сувдан кечирди. Сувлар тобукъларыма къадар етти.

Ехезкель 8:2

Мен бакъып, адамгъа ошагъан бир кимсени корьдим. Белине ошагъан ерден ашагъы о, атешке бенъзей эди, бельден юкъары исе сары хашмал ташы киби йылтырай эди.

Сырларнынъ ачылувы 1:15

Аякълары атеште темизленген ве йылтыравукъ тунчкъа ошай, сеси терен сувларнынъ шувултысы киби эди.

Сырларнынъ ачылувы 11:1

Манъа таякъкъа ошагъан бир ольчю берип, бойле дедилер: – Тур, Алланынъ Сарайыны ве къурбан ерини ольче, анда ибадет эткенлерни де сай.

Сырларнынъ ачылувы 21:15

Меннен лаф эткен мелекнинъ къолунда алтын бир ольчю таягъы бар эди, шеэрни, онынъ араба къапулары ве диварыны ольчемек керек эди.