Ехезкель 39:4 - Мукъаддес Китап

⁴ Сен Исраиль дагъларында аскерлеринънен ве халкъларынънен берабер йыкъыладжакъсынъ. Мен сени чешит тюрлю кийик айванларгъа ве къушларгъа аш оларакъ береджегим.

Ехезкель 39:4 ပူးပေါင်းရင်းမြစ်များ

Ешая 14:24

Ордуларнынъ РАББИси ант этти: – Не япмагъа ниетленсем – о оладжакъ, не этмеге тюшюнсем – о беджериледжек.

Ешая 14:25

Ашшурны Меним топрагъымда ёкъ этеджегим, дагъларымда таптайджагъым. Халкъым Ашшурнынъ боюндырыгъындан, омузларындаки юктен къуртуладжакъ.

Йирмея 15:3

Оларгъа дёрт джезаны ёллайджагъым, – дей РАББИ. – Ольдюрмек ичюн къылычны, парчаламакъ ичюн копеклерни, ашап битирмек ве ёкъ этмек ичюн йыртыджы къушларнен кийик айванларны ёллайджагъым.

Йирмея 25:33

О куню РАББИ адамларны дюньянынъ бир четинден башкъа четинедже ольдюреджек. Оларнынъ артындан кимсе козьяш тёкмейджек, оларны кимсе топлап джыймайджакъ. Ер юзюнде кубре киби оладжакълар.

Ехезкель 29:5

Сени сахрагъа атаджагъым, сени де, озенинънинъ балыкъларыны да чыкъарып атаджагъым. Ачыкъ чёльге тюшеджексинъ, сени топламайджакъ, котерип алмайджакълар. Ер айванларына ве коклердеки къушларгъа сени аш оларакъ береджегим.

Ехезкель 33:27

Оларгъа шуны айт: «РАББИ-ТААЛЯ шойле дей: Озюмнен ант этем, йыкътырылгъан ерлерде яшагъанлар къылычтан оледжеклер. Тарлада яшагъанларны кийик айванларгъа аш этеджегим, къалелерде ве къобаларда яшагъанлар исе ольдюриджи хасталыкътан ёкъ оладжакълар.

Ехезкель 35:8

Сеир дагълыгъыны олюлерге толдураджагъым, байырларынъ ве вадийлеринъде, эр бир деренъде къылычтан ольгенлер йыкъылып ятаджакъ.

Ехезкель 38:21

Бутюн Меним дагъларымда Гоггъа къаршы кетмеге къылычлы аскерлерни чагъыраджагъым, – дей РАББИ-ТААЛЯ. – Эр бир кишининъ къылычы къардашына къаршы чыкъаджакъ.

Ехезкель 39:5

Ачыкъ чёльде йыкъыладжакъсынъ. Мен бойле дедим, – дей РАББИ-ТААЛЯ. –

Нахум 3:3

Атлылар чапа, къылыч парылдай, мызракълар ялтырай. Чокътан-чокъ олюлер, оба-оба джесетлер ята. Олюлернинъ сайысы ёкъ, адамлар юргенде, олюлерге сюрюне.