Ехезкель 32:3 - Мукъаддес Китап

³ Шунынъ ичюн РАББИ-ТААЛЯ шойле дей: – Чокъ халкъларны топлап, Мен устюнъе агъ атаджагъым, ве олар сени Меним агъымнен чекип чыкъараджакълар.

Ехезкель 32:3 ပူးပေါင်းရင်းမြစ်များ

Эюп акъкъында китап 7:12

Аджеба, мен санъа денъизимми? Я да денъиз джанаварыммы? Не ичюн башыма къаравул къойдынъ?

Джемаат башы 9:12

Адам озь вакъты-саатини бильмез. Балыкъ ольдюриджи авгъа, къуш да тузакъкъа тюшкени дайын, инсан огъуллары да, фелякет вакъты апансыздан башларына тюшкенде, онынъ къолуна тюшелер.

Йирмея 16:16

– Энди оларны тутмагъа чокътан-чокъ балыкъчыларны ёллайым, – дей РАББИ. – Сонъ чокътан-чокъ авджыларны ёлларым да, оларны эр дагъдан, эр байырдан, эр къаянынъ чатлакъларындан къуваларлар.

Агълав йырлары 1:13

Кемиклериме атешни юксекликтен ёллады, бутюн беденимни къаплады; аякъларыма къапкъан къойды, мени къачмагъа меджбур этти; мени бакъымсыз этти, эр бир кунь хаста олам.

Ехезкель 12:13

Мен тузагъымны къоярым, оны къапкъаныма тутаджагъым. Мен оны Вавилонгъа, къасдийлилернинъ топрагъына алып кетеджегим. Амма о, оны корьмейип, анда оледжек.

Ехезкель 17:20

Мен агъымны джаярым да, оны къапкъангъа тюшюририм, оны Вавилонгъа кетиреджегим ве анда Манъа къаршы хаинлик япкъаны ичюн оны суд этеджегим.

Хошеа 7:12

Олар кеткен вакътында, Мен агъымны устьлерине атаджагъым, кокте учкъан къушларны киби, оларны ерге тюшюреджегим. Джемаат эшиткен япкъан яманлыкълары ичюн, Мен оларны джезаларым.