Ехезкель 3:4 - Мукъаддес Китап

⁴ Сонъра О, манъа бойле деди: – Инсан огълу! Исраиль халкъына кет ве Меним сёзлеримни оларгъа айтып бер.

Ехезкель 3:4 ပူးပေါင်းရင်းမြစ်များ

Ехезкель 11:25

О вакъыт мен РАББИнинъ манъа ачкъан эписи шейлерини сюргюн этильгенлерге айтып бердим.

Ехезкель 11:4

Шунынъ ичюн оларгъа пейгъамберлик эт. Инсан огълу, пейгъамберлик эт!

Ехезкель 2:3

О, манъа бойле деди: – Инсан огълу! Мен сени Исраильнинъ огъулларына, Манъа къаршы чыкъкъан халкъкъа йиберем. Бугуньге къадар оларнынъ озьлери де, баба-деделери де Манъа къаршы чыкъып, гуна япалар.

Ехезкель 2:4

Олар бойсунмаз ве таш юрекли балалардыр. Мен сени оларгъа йиберем. Сен оларгъа РАББИ-ТААЛЯнынъ сёзлерини хабер этеджексинъ.

Ехезкель 2:7

Олар сени истесе – динълесинлер, истемесе – динълемесинлер, амма сен Меним сёзлеримни бу инат халкъкъа хабер эт.

Ехезкель 20:27

Шунынъ ичюн, инсан огълу, Исраиль халкъына айт: РАББИ-ТААЛЯ шойле дей: Деделеринъиз Менден вазгечип, даа шунда Манъа къаршы яманлыкъ яптылар:

Ехезкель 3:11

Тур да, сюргюнликте яшагъан халкъынъа кет. Истесе – сени динълесинлер, истемесе динълемесинлер, амма оларгъа шуны айт: «РАББИ-ТААЛЯ шойле дей…»

Ехезкель 3:3

Сонъра О, манъа: – Инсан огълу! Мен санъа берген бу кягъытны тойгъандже ашап, ашкъазанынъны толдур! – деди. Мен оны ашадым. Ашагъанда, агъзым бал киби татлы олды.

Ехезкель 3:5

Лафы анълашылмаз адамларгъа, тили къыйын олгъан халкъкъа Мен сени йибермейим. Мен сени Исраиль халкъына йиберем.

Матта 15:24

Иса: – Мен тек Исраиль халкъынынъ адашкъан къойларына йиберильген эдим, – деди.

Фаалиет 1:8

Мукъаддес Рух устюнъизге тюшкен сонъ, сиз кучь-къувет аладжакъсыз, Ерусалимде, бутюн Еудиеде, Самариеде ве дюньянынъ кенарынадже Меним шаатларым оладжакъсыз, – деди.