Ехезкель 26:4 - Мукъаддес Китап

⁴ Олар Тир шеэрининъ диварларыны йыкъаджакъ, къуллелерини бозаджакълар. Мен Тирден къалгъан тозны биле сипирип атаджагъым, шеэрни бош къаягъа чевиреджегим.

Ехезкель 26:4 ပူးပေါင်းရင်းမြစ်များ

Ешая 23:11

РАББИ къолуны денъизге къаршы узатты, падишалыкъларны сарсытты, РАББИ Ханаан къалелерини йыкъмагъа буюрды.

Йирмея 5:10

Диварларына тырмашынъыз, эр шейни йыкъынъыз, амма бутюнлей ёкъ этменъиз. Багъчаларыны харап этинъиз, олар энди РАББИнинъ дегиль.

Ехезкель 26:12

Душманларынъ байлыгъынъны тартып аладжакъ, малларынъны хырсызлайджакъ, диварларынъны бозаджакъ, гузель эвлеринъни харап этеджек. Сенинъ ташларынъны, агъачларынъны ве сенден къалгъан тоз-топрагъынъны денъизге атаджакълар.

Ехезкель 26:9

О, сенинъ диварларынъны дивар йыкътыргъан алетлернен урып йыкътырмагъа буюраджакъ, къалелеринъни къылычларынен бозаджакъ.

Амос 1:10

Тир диварларына атеш ёллайджагъым, о, къавийлештирильген сарайларыны якъып ташлайджакъ.

Зекерья 9:3

Тир озюне къале япты, тоз къадар кумюш обалады ве сокъакътаки чамур къадар алтын топлады.