Ехезкель 19:2 - Мукъаддес Китап

² ве айт: Не аджайип эди сенинъ ананъ! Арсланлар арасында о, ята эди, яш арсланларнынъ арасында озь балаларыны осьтюре эди.

Ехезкель 19:2 ပူးပေါင်းရင်းမြစ်များ

Эюп акъкъында китап 4:11

Аш тапамагъаны ичюн арслан олер, балалары тараф-тараф къачар.

Зебур 58:6

Сен – Ордуларнынъ РАББИ-Таалясысынъ! Исраильнинъ Алласы, бутюн халкъларгъа джеза бермек ичюн тур, имансыз хаинлернинъ ич бирисини аджыма! Сэла

Ешая 5:29

Олар, арсланлар киби, багъыралар, яш арсланлар киби, къычыралар. Багъырып, гъаниметни тутар да, алып кетер, ич кимсе къуртулып оламаз.

Ехезкель 19:1

– Сен исе Исраиль башлыкълары акъкъында агъла

Ехезкель 19:3

Осьтюрген балаларындан бири бир яш арслан олды. О, авгъа кетмеге огренди ве адамларны ашап башлады.

Ехезкель 32:2

– Инсан огълу! Мысыр падишасы фыравун акъкъында агъла ве онъа бойле айт: – Сен халкъларнынъ арасында озюнъни арслан деп сайдынъ. Озюнъ исе денъиз джанаварына ошайсынъ. Сен озенлеринъде бир тарафтан экинджи тарафкъа атыласынъ, аякъларынънен сувларны булатасынъ, озенлерини буландырып таптайсынъ.

Зекерья 11:3

Чобанларнынъ агълагъанлары эшитиле, чюнки отлакълары бошап къалды. Яш арсланларнынъ ырылдысы эшитиле, чюнки Иорданнынъ гъуруры ёкъ олды.

Къануннынъ текрары 33:22

Дан къабилесине шай деди: – Дан – арслан яврусыдыр, Башан еринден секирип тюше.