Ехезкель 18:2 - Мукъаддес Китап

² – Исраиль мемлекетинде не ичюн бойле сёзлерни айтасынъыз: «Бабалар экши юзюм ашады, балаларынынъ исе тишлери къамашты»?

Ехезкель 18:2 ပူးပေါင်းရင်းမြစ်များ

Эюп акъкъында китап 21:19

Алла яман адамнынъ джезасыны балаларына берерми? Озь башына тюшюрсин, насыл олгъаныны бильсин.

Чыкъыш 20:5

Оларгъа седждеге къапанып ибадет этме. Мен – РАББИм, сенинъ Алланъдырым, куньджю Аллам. Мени кореджек козю олмагъан бабаларнынъ къабаатлары ичюн балаларыны учюнджи ве дёртюнджи несильгедже джезалайым.

Ешая 3:15

Сиз не ичюн халкъымны къыйнайсынъыз? Не ичюн ёкъсулларны чекиштиресинъиз?» – дей Ордуларнынъ РАББИ-ТААЛЯсы.

Йирмея 15:4

Ехуда падишасы, Хизкиянынъ огълу Менашше Ерусалимде япкъанлары ичюн, бутюн ер юзюндеки падишалыкълар джезасыны корип, къоркъаджакълар.

Агълав йырлары 5:7

Бабаларымыз гуна япты ве ёкъ олды, оларнынъ къабаатлары ичюн биз джезаланамыз.

Ехезкель 12:22

– Инсан огълу! Исраиль топрагъынъызда «Куньлер кечип кетер, пейгъамберлернинъ сёзлери де беджерильмез», айтылгъан сёзлер неге керек?

Ехезкель 16:44

Бакъ, икяе эткенлернинъ эписи сенинъ акъкъынъда бойле айтаджакълар: «Анасы насыл олса, къызы да ойле».

Ехезкель 17:12

– Бу инат халкъкъа бойле айт: «Бунынъ манасыны анъламайсызмы?» Оларгъа айт: Мына, Вавилон падишасы Ерусалимге кельди ве Ерусалимнинъ падишасыны ве башлыкъларыны эсир алды, оларны озюне, Вавилонгъа алып кетти.

Ехезкель 18:1

РАББИ манъа шойле деди:

Ехезкель 18:19

Сиз: «Нечюн огъул бабасынынъ гунасы ичюн джевапкяр дегиль?» – деп сорарсынъыз. Чюнки бу огъул адалетли ве догъру ишлер япа ве Меним эписи низамнамелеримни беджерип тута. Бойле адам мытлакъа яшайджакъ.

Ехезкель 18:3

Озюмнен ант этем, – дей РАББИ-ТААЛЯ, – эндиден сонъ бу сёзлерни Исраиль топрагъында айтмайджакъсыз.

Ехезкель 25:3

Аммон огъулларына бойле айт: «РАББИ-ТААЛЯнынъ сёзлерини динъленъиз. РАББИ-ТААЛЯ шойле дей: Меним Азиз Ерим арамлангъанда, Исраиль топрагъы харап олгъанда, Исраиль халкъы сюргюнликке кеткенде кульгенинъиз ичюн,

Ехезкель 37:11

О манъа шойле деди: – Инсан огълу! Бу кемиклер – бутюн Исраиль халкъыдыр. Олар: «Кемиклеримиз къуруп кетти, умютимиз гъайып олды, биз яшайыштан кесильдик», – дейлер.

Ехезкель 37:19

оларгъа бойле айт: «РАББИ-ТААЛЯ шойле дей: Эфраимнинъ элинде олгъан Юсуф ве онен бирлешкен Исраиль къабилелерининъ таягъыны алырым да, оны Ехуданынъ таягъына къошарым. Экисинден бир таякъ япаджагъым. Меним къолумда оларнынъ экиси бир оладжакъ».

Ехезкель 37:25

Мен къулума Якъупкъа берген, баба-деделеринъиз яшагъан топракъларда олар яшайджакълар. Анда эм олар, эм оларнынъ балалары, эм торунлары даима яшайджакълар. Меним къулум Давут исе омюрбилля оларнынъ ёлбашчысы оладжакъ.

Ехезкель 7:2

– Инсан огълу! РАББИ-ТААЛЯ Исраиль топрагъына бойле дей: «Олюм! Мемлекетнинъ дёрт кошесине олюм келе!

Матта 23:36

Сизге догърусыны айтам: буларнынъ эписи шу несильнинъ бойнуна тюшеджек.

Римлилерге 9:20

Эй, адам, сен кимсинъ? Аллагъа сёз къайтарырсынъмы? Чёльмек чёльмекчиге: «Мени не ичюн бойле ясадынъ?» – дерми?