Ехезкель 13:9 - Мукъаддес Китап

⁹ – Къолум бош руяларны корьген, ялан хаберлерни эткен пейгъамберлерге къаршы оладжакъ. Олар Меним халкъымнынъ топлашувында олмайджакълар, Исраиль халкъынынъ несиль китабына язылмайджакълар, Исраиль топрагъына да кирмейджеклер. О заман Мен – РАББИ-ТААЛЯ олгъанымны анъларсынъыз.

Ехезкель 13:9 ပူးပေါင်းရင်းမြစ်များ

3 Падишалар 13:18

Къарт исе бойле деди: – Мен де сенинъ киби пейгъамберим. Бир мелек манъа РАББИнинъ эмиринен: «Оны эвинъе къайтар, аш ашасын, сув ичсин», – деди. Лякин о, ялан айтты.

Узеир 2:59

Тель-Мелах, Тель-Харша, Керув, Аддан, Иммерден кельгенлер, амма къайсы сойдан ве къорантадан айтмагъа ве озьлерининъ Исраильден чыкъкъанларыны косьтермеге оламагъанлар шудыр:

Нехемья 7:62

Делаянынъ огъуллары, Товьянынъ огъуллары, Некъоданынъ огъуллары – 642.

Нехемья 7:64

Олар несиллер джедвелинде озь сойлары акъкъында язувны къыдырдылар, амма тапып оламадылар. Шунынъ ичюн олар руханийлер сырасындан чыкъарылдылар.

Зебур 101:7

Мен сахра пугъусына, харабеде къонгъан байкъушкъа ошайым.

Зебур 69:5

Сени къыдыргъанларнынъ эписи Сенде къуванып севинсинлер! Сенинъ къуртарувынъны севгенлер токътамайып: «Алла улудыр!» – десинлер!

Зебур 87:6

Олюлер арасына ташлангъаным, мезарда яткъан джесетлер киби. Сен оларны энди хатырламайсынъ, олар тюшип кеткен къолунъдан.

Зебур 95:11

Коклер севинсин, ер юзю къувансын, денъиз ве ичиндекилер гурьлесин!

Ешая 4:3

Сионда къалдырылгъанларгъа, Ерусалимде сагъ къалгъанларгъа, Ерусалимде яшамакъ ичюн Алла сайлагъан эр кеске «азиз» дейджеклер.

Йирмея 14:15

Онынъ ичюн РАББИ бойле дей: Мен ёлламагъан, амма Адымдан пейгъамберлик япкъан пейгъамберлер: «Бу мемлекетте къылыч да, ачлыкъ да олмайджакъ», – дейлер, лякин бойле пейгъамберлер къылыч ве ачлыкънен ёкъ этиледжеклер.

Йирмея 17:13

РАББИ, Сен – Исраильнинъ ишанчысынъ! Сени ташлап кеткенлер эписи масхара оладжакълар. Сени ред эткенлернинъ адлары куль устюнде языладжакъ; олар РАББИни, тири сувнынъ чокърагъыны быракътылар.

Йирмея 23:20

Юрегининъ ниетлерини беджермегендже, РАББИнинъ ачувы ятышмаз. Сиз буны сонъки куньлерде ачыкъ анълайджакъсынъыз.

Йирмея 4:9

– О куню, – дей РАББИ, – падиша да, башлыкълар да рухтан тюшеджеклер, руханийлернинъ отьлери патлайджакъ, пейгъамберлер шашып къаладжакълар.

Ехезкель 11:10

Къылычтан оледжексинъиз. Сизлерни Исраиль сынъырларында суд этеджегим. О заман Мен – РАББИ олгъанымны билирсинъиз.

Ехезкель 12:20

Олар яшагъан шеэрлер ернен ексан этиледжек, мемлекет бозуладжакъ. О заман Мен РАББИ олгъанымны анъларсынъыз.

Ехезкель 13:14

Сылавнен сылангъан диварынъызны Мен бозаджагъым, оны ерге йыкътыраджагъым, темелине къадар ёкъ этеджегим. Дивар йыкъыладжакъ, сизлер де онен берабер ёкъ оладжакъсыз. О заман Мен – РАББИ олгъанымны анъларсынъыз.

Ехезкель 13:23

Шунынъ ичюн эндиден сонъ ялан руяларны корьмейджексинъиз, аджайип хаберлерни этмейджексинъиз. Мен халкъымны сизинъ къолунъыздан къуртараджагъым. О заман Мен – РАББИ олгъанымны анъларсынъыз.

Ехезкель 20:38

Манъа къаршы чыкъкъанларны ве боюн эгмегенлерни аранъыздан айыраджагъым. Оларны яшагъан мемлекетлерден чыкъараджагъым, амма оларны Исраиль топрагъына кирсетмейджегим. О заман Мен – РАББИ олгъанымны билирсинъиз.

Даниял 12:1

О заман сенинъ халкъынъны къорчалагъан буюк башлыкъ Микъаиль келеджек. Адамлар дюньяда яшап башлагъан вакъыттан берли шу вакъыткъадже олмагъан беля заманлары оладжакъ. Лякин бу заманда сенинъ халкъынъдан Китапта язылгъанларнынъ эписи къуртуладжакъ.

Хошеа 4:5

Куньдюз сен сюрюнеджексинъ, гедже сеннен берабер пейгъамбер абынаджакъ. Ве Мен сенинъ Исраиль-ананъны ёкъ этеджегим.

Хошеа 9:3

Олар РАББИнинъ топрагъында яшамаз, лякин Эфраим Мысыргъа къайтар, Ашшурда да арам шейлерни ашар.

Микъа 3:5

РАББИ яланджы пейгъамберлер акъкъында шойле дей: – Олар Меним халкъымны ёлдан уралар, оны тишлеринен тишлейлер. Ким оларны ашатса, онъа аманлыкъ ваде этелер, ким исе агъызларына бир шей къоймаса, онъа къаршы дженк башлайлар.

Микъа 3:6

Шунынъ ичюн руялар ерине къара геджени кореджексинъиз, фалджылыкъ ерине къаранлыкъны аладжакъсынъыз. Пейгъамберлернинъ башы устюнде кунеш ярыкъ бермейджек, куньдюзлери къара оладжакъ.

Лука 10:20

Амма джинлер сизге бойсунгъанына къуванманъыз, сизинъ адларынъыз коклерде язылгъанына къуванынъыз! – деди.

Филиплердекилерге 4:3

Эбет, ишанчлы ёлдашым, санъа да ялварам, о къадынларгъа ярдым эт. Олар меннен, ве Клементнен, ве меннен берабер башкъа чалышкъанларнен Къуванчлы Хаберни даркъатмакъ ичюн арекет этелер. Оларнынъ адлары яшайыш китабында язылгъандыр.

Еудийлерге 12:23

адлары кокте язылгъан биринджи догъгъан балаларнынъ топлашувына, эр кесни суд этиджи Аллагъа ве къусурсыз олгъан инсафлы адамларнынъ рухларына якъынлаштынъыз,

Сырларнынъ ачылувы 13:8

Ер юзюнде яшагъанларнынъ эписи, адлары дюнья яратылгъанындан берли къурбан кетирильген Къозунынъ яшайыш китабына язылмагъанлар, айвангъа ибадет этеджек.

Сырларнынъ ачылувы 19:20

Айван ве онынъ алдында аджайип ишлер япкъан ялан пейгъамбер эсирге тюшти. (Ялан пейгъамбер адамларны озь аляметлеринен алдаткъан эди, ве олар айваннынъ тамгъасыны къабул эткен ве онынъ путуна ибадет эткен эдилер.) Олар экиси кукюртнен янгъан атеш голюне тири олып ташландылар.

Сырларнынъ ачылувы 20:12

Мен Алланынъ тахты алдында тургъан буюк ве кичик олюлерни корьдим. Китаплар ачылды. Яшайыш китабы деген башкъа бир китап да ачылды. Олюлернинъ эр бири китапларда язылгъан ишлерине коре суд этильди.

Сырларнынъ ачылувы 20:15

Адлары яшайыш китабында язылмагъанларнынъ эписи атеш голюне ташланды.