Ехезкель 13:6 - Мукъаддес Китап

⁶ Олар бош шейлерни корелер, ялан хабер этелер. Олар: «Бу – РАББИнинъ сёзю», – дейлер, РАББИ исе оларны ёлламады. Бунъа бакъмадан, олар айткъан сёзлерининъ ерине келеджегини беклейлер.

Ехезкель 13:6 ပူးပေါင်းရင်းမြစ်များ

3 Падишалар 22:12

Къалгъан пейгъамберлер де ойле пейгъамберлик эте эдилер: – Бар, Рамот-Гиладгъа уджюм эт. Гъалебе къазанаджакъсынъ. РАББИ шу шеэрни падишанынъ къолуна береджек.

3 Падишалар 22:15

О, падишагъа кельди. Падиша ондан: – Микъая! Рамот-Гиладгъа къаршы дженкке чыкъайыкъмы, ёкъмы? – деп сорады. Микъая онъа джевап къайтарып: – Бар, Рамот-Гиладгъа уджюм эт. Гъалебе къазанаджакъсынъ. РАББИ шу шеэрни падишанынъ къолуна береджек, – деди.

3 Падишалар 22:27

Анда айтынъыз: «Падиша бойле деди: “Мынавны алынъыз да, оны зиндангъа атынъыз. Мен аман-эсен къайтып кельмегендже, онъа азачыкъ сув ве отьмектен башкъа бир шей берменъиз”», – деди.

3 Падишалар 22:37

Падиша ольди. Оны Самариеге кетирдилер ве анда дефн эттилер.

3 Падишалар 22:6

Исраиль падишасы 400-ге якъын пейгъамберни топлап, олардан: – Рамот-Гиладгъа къаршы дженкке кетейимми я да кетмейимми? – деп сорады. Олар: – Кет. Рабби оны падишанынъ къолуна береджек, – дедилер.

Икметли сёзлер 14:15

Саде адам эр бир сёзге инаныр, зекялы адам исе эр аткъан адымына мукъайт олур.

Йирмея 14:14

РАББИ манъа: – Пейгъамберлер Меним Адымдан ялан пейгъамберлик этелер, – деди. – Мен оларны не ёлладым, не эмир бердим, не де оларгъа бир шей айттым. Олар сизге ялан руяларны, фалджылыкъны, бош шейлерни, юреклерининъ арзуларыны айтып, пейгъамберлик этелер.

Йирмея 23:16

Ордуларнынъ РАББИси айта ки: – Сизге пейгъамберлик эткен пейгъамберлернинъ айткъанларыны динълеменъиз, олар сизни алдаталар, РАББИнинъ агъзындан чыкъкъан шейлерни дегиль де, юреклериндеки истеклерини айталар.

Йирмея 28:1

Айны йылда, дёртюнджи йылнынъ бешинджи айында, Ехуда падишасы Цидкиянынъ падишалыгъынынъ башында, Гивон шеэринден Аззурнынъ огълу Хананья пейгъамбер РАББИнинъ Эвинде, эписи руханийлернинъ ве бутюн халкънынъ козьлери огюнде манъа бойле деди:

Йирмея 28:15

Бундан сонъ Йирмея пейгъамбер Хананья пейгъамберге: – Хананья, мында бакъ, – деди. – РАББИ сени ёлламады. Сен халкъны ялан айтып ишандырасынъ.

Йирмея 28:2

– Ордуларнынъ РАББИси, Исраильнинъ Алласы бойле дей: «Вавилон падишасынынъ боюндырыгъыны йыкъаджагъым,

Йирмея 29:31

– Бутюн сюргюн олгъанларгъа бойле хабер ёлла: «РАББИ нехеламлы Шемая акъкъында бойле дей: Шемая сизлерге пейгъамберлик эте, Мен исе оны ёлламадым. О, сизлерни ялан ишандыра.

Йирмея 29:8

Ордуларнынъ РАББИси, Исраильнинъ Алласы, бойле дей: – Аранъызда олгъан пейгъамберлеринъиз ве ырымджыларынъыз сизни алдатмасынлар. Корьген тюшлеринъизге де ишанманъыз.

Йирмея 37:19

– Сизинъ: «Вавилон падишасы сизге къаршы ве бу топракъкъа къаршы кетмез», – деп пейгъамберлик эткен пейгъамберлеринъиз къайда?

Йирмея 5:31

пейгъамберлер ялан пейгъамберлик этелер, оларнынъ ярдымынен руханийлер башлыкъ этелер, халкъым да буны бегене. Амма сонъунда не япаджакъсынъыз?

Агълав йырлары 2:14

Пейгъамберлеринъ санъа ялан ве бош хабер эттилер; къабаатларынъны косьтермедилер, сюргюнликтен къорчаламадылар; санъа бош яланлар айтып, сени ёлдан урдылар.

Ехезкель 13:7

Сизинъ корьген шейлеринъиз бош! Эткен хаберлеринъиз ялан! Сизлер: «РАББИ бойле айта», – дейсинъиз, амма Мен бойле айтмадым.

Ехезкель 21:23

Башкъаларнынъ козю огюнде бу фал ялан корюнеджек. Олар ант эткен эди, амма сонъра хаинлик эттилер. Шуны акъылда туткъанда, о, оларны запт этмеге къарар этеджек.

Ехезкель 21:29

Сенинъ акъкъынъда руялар бош, санъа ачкъан фаллар – ялан олгъанда, олюмге укюм этильген яман адамларнынъ боюнларына къылыч тюшеджек. Сенинъ вакътынъ кельди, джеза аладжакъ вакъыт якъынлашты.

Ехезкель 22:28

Пейгъамберлери эписини сылавнен сылайлар, бош шейлерни корелер, ялан хабер этип: «РАББИ-ТААЛЯ бойле айта», – дейлер, РАББИ исе буларны айтмады.

Зекерья 10:2

Эв путчыкъларнынъ лафы бош, фалджылар яланларны коре ве ялан тюшлерни анълата. Олар бош лафнен теселли бере. Онынъ ичюн, къой-эчкилер киби, долашалар, чобаны ёкъ олгъаны ичюн, хорланалар.

Марк 13:6

Чокъ адамлар Меним Адым иле келип: «Мен Месихим», – деп, чокъ адамларны алдатаджакълар.

2 Тессалоникелилерге 2:11

Шу себептен Алла оларгъа къудретли бир ялан ёллайджакъ, ве олар ялангъа инанаджакълар.

2 Пётр 2:18

Къопай ве бош лафларны эткенде, олар адамларны беден истеклерине ве бозукълыкъкъа чекелер ве янълыш ёлунда яшагъанлардан энди къачып къуртулгъанларны алдатып къолгъа кечирелер.