Ехезкель 13:2 - Мукъаддес Китап

² – Инсан огълу! Исраильнинъ пейгъамберлик япкъан пейгъамберлерине къаршы пейгъамберлик яп, озьлери тюшюнип чыкъаргъан шейлерни пейгъамберлик сайгъан пейгъамберлерге: «РАББИнинъ сёзюни динъленъиз! – айт.

Ехезкель 13:2 ပူးပေါင်းရင်းမြစ်များ

3 Падишалар 22:19

Микъая джевап берип: – РАББИнинъ сёзлерини динъле! Мен Озь тахтында отургъан РАББИни корьдим. Бутюн коклернинъ ордусы Онынъ сагъ ве сол тарафында турмакъта эди.

Ешая 1:10

Эй, «Содом башлыкълары»! РАББИнинъ сёзюни динъленъиз! Эй, «Гомора халкъы»! Алламызнынъ Къанунына къулакъ асынъыз!

Ешая 28:14

Эй, мыскъылджылар, Ерусалимдеки халкъкъа падишалыкъ эткенлер! РАББИнинъ сёзюни динъленъиз!

Ешая 9:15

Акъсакъаллар ве мырзалар – онынъ башыдыр, ялан айткъан пейгъамберлер – онынъ къуйругъыдыр.

Йирмея 23:2

Онынъ ичюн РАББИ, Исраильнинъ Алласы, халкъымны бакъкъан чобанларгъа бойле дей: – Сизлер къойларымны дагъыттынъыз, оларны къачырдынъыз, оларны бакъмадынъыз. Бакъынъыз! Яман ишлеринъиз ичюн сизни джезалайджагъым, – дей РАББИ.

Йирмея 27:14

Сизлерге: «Вавилон падишасына хызмет этмейджексинъиз», – деген пейгъамберлерининъ сёзлерине къулакъ асманъыз, олар сизге ялан пейгъамберлик этелер.

Йирмея 27:18

Олар пейгъамберлер олсалар, РАББИнинъ Адындан лаф этселер, Ордулар РАББИсине ялварсынлар да, РАББИнинъ Эвиндеки, Ехуда падишасынынъ эвиндеки ве Ерусалимдеки савутлар Вавилонгъа алып кетирильмесинлер.

Йирмея 37:19

– Сизинъ: «Вавилон падишасы сизге къаршы ве бу топракъкъа къаршы кетмез», – деп пейгъамберлик эткен пейгъамберлеринъиз къайда?

Йирмея 5:31

пейгъамберлер ялан пейгъамберлик этелер, оларнынъ ярдымынен руханийлер башлыкъ этелер, халкъым да буны бегене. Амма сонъунда не япаджакъсынъыз?

Йирмея 8:10

Бунынъ ичюн апайларыны башкъаларына, тарлаларыны башкъа сабыларгъа береджегим. Олар, эм кучюги, эм буюги арам къазанчны къыдыралар, эм пейгъамберлер, эм руханийлер эписи алдаталар.

Агълав йырлары 4:13

Бунынъ эписи – пейгъамберлернинъ гунасы, руханийлернинъ къабааты ичюн джезадыр, чюнки олар шеэрнинъ ортасында догъру адамларнынъ къаныны тёктилер.

Ехезкель 13:1

РАББИ манъа шойле деди:

Ехезкель 13:17

Инсан огълу! Озь-озюнден пейгъамберлик япкъан халкъынънынъ къызларына тараф айлан ве оларгъа къаршы пейгъамберлик эт.

Ехезкель 13:3

– РАББИ-ТААЛЯ шойле дей: Ич бир шей корьмеген, амма озь рухларына инангъан акъылсыз пейгъамберлерге беля олсун!»

Ехезкель 16:35

Шунынъ ичюн, эй, ороспу, РАББИнинъ сёзюни динъле!

Ехезкель 22:25

Анда пейгъамберлери къара акъыл танышалар, окюрген, авыны парчалап йырткъан арсланларгъа ошайлар: джанларны ольдюрелер, байлыкъларны ве къыйметли шейлерни тартып алалар, тул къадынларнынъ сайысыны чокълаштыралар.

Ехезкель 22:28

Пейгъамберлери эписини сылавнен сылайлар, бош шейлерни корелер, ялан хабер этип: «РАББИ-ТААЛЯ бойле айта», – дейлер, РАББИ исе буларны айтмады.

Ехезкель 34:7

Шунынъ ичюн, эй, чобанлар, РАББИнинъ сёзюни динъленъиз.

Ехезкель 34:9

Шунынъ ичюн, эй, чобанлар, РАББИнинъ сёзюни динъленъиз.

Микъа 3:11

Шеэрнинъ башлыкълары къапар алып, суд этелер, руханийлери парагъа огретелер, пейгъамберлери акъчагъа фал бакъалар. Айны заманда олар РАББИге таяналар, «РАББИ бизим арамызда, башымызгъа бир беля тюшмейджек», – дейлер.

Микъа 3:6

Шунынъ ичюн руялар ерине къара геджени кореджексинъиз, фалджылыкъ ерине къаранлыкъны аладжакъсынъыз. Пейгъамберлернинъ башы устюнде кунеш ярыкъ бермейджек, куньдюзлери къара оладжакъ.

Цефанья 3:4

Онынъ пейгъамберлери – тюшюнджесиз ве ишанчсыз адамлар. Руханийлери исе азиз шейлерни арамлай, Къанунны бозалар.