Ехезкель 10:9 - Мукъаддес Китап

⁹ Мен бакътым ве Керувларнынъ янында дёрт копчекни корьдим, эр бир Керувнынъ янында бирер копчек бар эди. Копчеклер сары хризолит киби парылдай эдилер.

Ехезкель 10:9 ပူးပေါင်းရင်းမြစ်များ

3 Падишалар 7:30

Эр бир аякънынъ дёрдер бакъыр копчеги ве бакъыр кочерлери бар эди. Дёрт кошесинде, леген тутмакъ ичюн, меснетлер япылгъан эди. Меснетлернинъ эр бир тарафында гульчемберлер къуюлгъан эди.

Ехезкель 10:10

Дёрт копчекнинъ корюниши бири-бирине ошай ве бири-бирисининъ ичине кирген киби эди.

Ехезкель 10:8

Керувларнынъ къанатлары тюбюнде къолларгъа ошагъан шекиллер бар эди.

Даниял 10:6

Бедени – сары хризолит киби эди, юзю – йылдырым киби парылдай эди, козьлери – янгъан лампатлар киби эди. Къолларынен аякълары – йылтыравукъ бакъыр киби парылдай, сеси – чокъ адамнынъ давушы киби эди.

Сырларнынъ ачылувы 21:20

Бешинджиси – агаттан, алтынджысы – къырмызы сердолик, единджиси – сары якъут, секизинджиси – берилл, докъузынджысы – топаз, онунджысы – ешиль хризопрас, он биринджиси – сюмбюль, он экинджиси – мор якъуттан япылгъан эди.