Ехезкель 10:2 - Мукъаддес Китап

² РАББИ кетен урба кийген кишиге шойле деди: – Керувларнынъ тюбюндеки копчеклернинъ арасына кир. Керувларнынъ арасындан янгъан комюрлерни авучларынъа толдур да, шеэрге ат, – деди. Сонъ мен о киши анда киргенини корьдим.

Ехезкель 10:2 ပူးပေါင်းရင်းမြစ်များ

4 Падишалар 25:9

О, РАББИнинъ Сарайыны, падишанынъ эвини ве Ерусалимдеки эвлернинъ эписини якъты. Эр бир буюк эвни атеште якъты.

Зебур 140:10

Ярамайлар озь авларына тюшер, мен исе къуртулып кетерим.

Зебур 18:10

РАББИден къоркъмакъ – темиз ве эбедийдир, РАББИнинъ къарарлары керчек ве бутюнлей догърудыр.

Чыкъыш 25:18

Мерамет Еринен эки Керувлар бир кесек алтындан япылып, Керувларны дёгюльген шекильде Мерамет Ерининъ эки четинден яса.

Ешая 30:30

РАББИ шуретли сесинен гудюрдейджек, буюк ачувнен къолуны котерип, къудретини косьтереджек, йыкъыджы атешни, дешетли боранны, ягъмурны ве ташлы бурчакъны ёллайджакъ.

Ехезкель 1:13

Бу айванларнынъ корюниши алевленип янгъан комюр киби парылдай эди, янгъан атеш диреклери киби эди. Оларнынъ арасында токътамай атеш бирисинден башкъасына кече эди. Атеш козь къамаштырыджы ярыкъ эди, ве андан йылдырым ялкъылдай эди.

Ехезкель 10:16

Керувлар кеткенде, оларнынъ янында олгъан копчеклер де арекет эте эдилер. Керувлар ерден котерильмек ичюн къанатларыны кергенде, копчеклер олардан айырылмай, оларнынъ янында къала эдилер.

Ехезкель 9:11

Бундан сонъ устюнде кетен урбасы ве белинде кятип чёльмеги олгъан киши джевапланып: – Сен манъа буюргъанынъны яптым, – деди.

Даниял 7:9

Мен бакъкъанда, тахтлар къоюлды, ве эвель-эзельден Бар Олгъан ерине отурды. Урбалары – къар киби беяз, башындаки сачлар – юнь киби ап-акъ эди. Тахты – атеш ялыны, копчеклери – къызгъын атеш кибидир.

Сырларнынъ ачылувы 8:5

Мелек алтын чанакъны алып, оны къурбан ериндеки атешнен толдурды ве ер юзюне атты. О вакъыт кок гудюрдиси сеслери янъгъырап, яшын яшнады ве зельзеле башланды.