Ёэль 2:8 - Мукъаддес Китап

⁸ Бири-бирини басмадан, эр бири озь ёлуны тута. Мызракъларнен къорчалангъанларгъа атылалар ве сагъ-селямет къалалар.

Ёэль 2:8 ပူးပေါင်းရင်းမြစ်များ

2 Тарих вакъиалары 23:10

ве бутюн аскерлерни, силясы элинде, Сарайнынъ сагъ тарафындан Сарайнынъ сол тарафына, къурбан ерининъ ве Сарайнынъ янында ве падишанынъ чевре-четинде къойды.

2 Тарих вакъиалары 32:5

Хизкия гъайретнен ишке берильди ве бутюн йыкътырылгъан диварны янъыдан къурды, диварда къуллелер яптырды. Диварнынъ тышындан даа бир дивар япты. Давут Шеэрининъ Миллосыны пекитти ве бир чокъ силя ве къалкъанлар япты.

Нехемья 4:17

Диварны къургъанлар, юк ташыгъанлар, юклегенлер де бир къолнен чалыша, экинджи къолунен исе силя тута эдилер.

Нехемья 4:23

Не мен, не агъа-къардашларым, не хызметчилерим, не де меним янымдаки къаравулларым озь кийимини чыкъармады. Сувгъа кеткенде биле къолунда къылычы бар эди.

Эюп акъкъында китап 33:18

джаныны мезардан къорчаламагъа, омюрини къылычтан къуртармагъа истер.

Эюп акъкъында китап 36:12

Амма Оны динълемеселер, къылычтан олерлер, бильгисиз адамлар дайын гъайып олурлар.

Икметли сёзлер 30:27

сарынчкъанынъ падишасы олмаса да, лякин сыра-сыра адымлайлар;

Энъ яхшы йыр 4:13

Сен – нар багъчасысынъ! Анда энъ яхшы мейвалар, къына ве нард ягълары,

Ешая 5:27

Олар не такъаттан кесиледжек, не йыкъыладжакъ, не юкъусырайджакъ, не де юкълап къаладжакъ. Къушакълары беллеринден тюшмейджек, аякъкъапларынынъ багълары йыртылмайджакъ.

Ёэль 2:7

Батырлар киби, чапалар, джесюр аскерлер киби, диваргъа тырмашалар. Эр бири ёлуны шашырмайып, озь ёлундан урулмай.

Ёэль 2:9

Шеэр бою чапкъалайлар, диварларгъа тырмашалар, эвлернинъ устюне чыкъалар, хырсызлар киби, пенджерелерден кирелер.