Ёэль 2:16 - Мукъаддес Китап

¹⁶ Халкъны топланъыз, топлашув япынъыз, акъсакъалларны чагъырынъыз, яшларны ве къундакъ балаларыны топланъыз. Киев озь ханесинден ве келин озь одасындан келип чыкъсын.

Ёэль 2:16 ပူးပေါင်းရင်းမြစ်များ

2 Тарих вакъиалары 20:13

Бутюн ехудалылар, бала-чагъалары, апайлары ве огъулларынен бирликте РАББИнинъ огюнде тура эдилер.

2 Тарих вакъиалары 29:5

Оларгъа шойле деди: – Левийлилер, мени динъленъиз! Озьлеринъизни элялланъыз, бабаларынъызнынъ Алласы РАББИнинъ Сарайыны да азиз этинъиз, писликлерни Азиз Ерден чыкъарып атынъыз!

2 Тарих вакъиалары 30:17

Джемиетнинъ арасында пек чокъ озюни элялламагъан адамлар бар эди. Шунынъ ичюн левийлилер элялланмагъан адамларнынъ ерине Песах айванларыны соя эдилер ве оларны РАББИге багъышлай эдилер.

2 Тарих вакъиалары 30:19

Хизкия олар ичюн дува этип: – Эйи РАББИ! РАББИ-Тааляны, бабаларынынъ Алласыны джан-юректен къыдыргъан эр бир адамны, олар мукъаддес адетине коре элялланмагъан олсалар биле, багъышла! – деди.

2 Тарих вакъиалары 35:6

Песах къурбаныны чалынъыз ве элялланынъыз. Оны агъа-къардашларынъызгъа азырлагъанда, РАББИ бизге Мусанен буюргъанларыны япынъыз.

Эюп акъкъында китап 1:5

Байрамларынынъ куньлери биткенинен, Эюп эр вакъыт огъулларыны чагъыртып, оларны темизлеп, Алланынъ огюнде азиз эте эди. Саба эрте турып, о, эр бир огълунынъ адындан бутюнлей якъыладжакъ къурбанлар кетире эди, чюнки: «Бельки, огъулларым Алла акъкъында яман сёзлер тюшюнип, гуна къазангъандырлар», – деп тюшюне эди. Эюп эр вакъыт ойле япа эди.

Зебур 19:5

Алла санъа гонълюнъ истегенини берсин, бутюн муратларынъны беджерсин!

Чыкъыш 19:10

РАББИ Мусагъа: – Халкъкъа барып, оны бугунь ве ярын эляллат.

Чыкъыш 19:15

Муса халкъкъа: – Учюнджи куню азыр олунъыз, апайларынъызгъа токъунманъыз, – деди.

Чыкъыш 19:22

РАББИге якъынлашкъан руханийлер, РАББИ оларны ёкъ этмесин деп, элялланмакъ борджлулар, – деди.

Ёэль 1:14

Ашаманъыз-ичменъиз, эр бирини топлашувгъа чагъырынъыз. Акъсакъалларны ве мемлекетте эписи яшагъанларны Алланъыз олгъан РАББИнинъ Эвине чагъырынъыз ве РАББИге ялварынъыз.

Матта 21:16

ве Исагъа: – Булар не айталар, эшитесинъми? – дедилер. Иса оларгъа: – Эбет! Я сизлер: «Сени сабийлер ве уфакъ балалар макътай», – деген сёзлерни окъумадынъызмы? – деди.

Матта 9:15

Иса оларгъа: – Тойгъа чагъырылгъан мусафирлер, киев оларнен олгъанда, къайгъыралармы? Амма киевни олардан аладжакъ куньлер кельгенде, олар аштан-сувдан вазгечеджеклер, – деди.

1 Коринтлилерге 7:5

Бири-биринъизден баш тартманъыз. Тек озьара келишкен сонъ, аштан-сувдан вазгечмек ве дува окъумакъ ичюн, вакътынджа айры олмакъ мумкюн. Сонъ кене берабер олунъыз, ёкъса озюнъиз берабер ятмагъанынъыздан файдаланып, Шейтан сизлерни ёлдан ураджакъ.

Нун огълу Ехошуа 7:13

Тур, халкъны элялла да, оларгъа айт: «Сабагъа элялланынъыз. Исраильнинъ Алласы олгъан РАББИ бойле айта: “Аранъызда ёкъ этиледжек шейлер бар, Исраиль! Бунынъ ичюн, ёкъ этиледжек шейлерни озюнъден ёкъ этмегенинъдже, душманларынъа къаршы турып оламазсынъ”.

Нун огълу Ехошуа 8:35

Ехошуа бутюн Исраиль джемаатынынъ, апайларнынъ, балаларнынъ ве араларында яшагъан ят халкълардан олгъанларнынъ огюнде Муса васиет берген эр бир шейни окъуды, бир сёз къачырмады.

1 Падишалар 16:5

– Э, хайырлы. РАББИге къурбан чалмакъ ичюн кельдим. Абдест алып, меннен берабер къурбан чалмагъа келинъиз, – деди о. Смаил Йишайнен огъулларыны эляллап, оларны къурбан чалмагъа чагъырды.